Рим папаси "икки давлат ечими ва Қуддусга халқаро махсус мақом кафолатланиши"ни қўллаб-қувватлашини яна бир бор таъкидлади.
Католиклар диний етакчиси ва Ватикан раҳбари Рим папаси Франциск "Ғазо секторида зудлик билан ўт очишни тўхтатиш, маҳбусларни озод қилиш ва фаластинликларга гуманитар ёрдам олиш имкониятини бериш"га чақирди.
Ватиканнинг расмий матбуот органларидан бири бўлган Vatican News веб-сайтига кўра, Рим папаси Франциск ўзининг йиллик нутқида тинчлик ва инсон қадр-қимматига таҳдидларни санаб ўтган.
Рим папаси Франциск Россия-Украина уруши, Ғазо секторининг Исроил томонидан босиб олиниши, иқлим инқирози, ядро қуролининг "ахлоқсиз" ишлаб чиқарилиши ва инсон ҳуқуқларининг бузилишини тилга олди.
Рим папаси Франциск дунёни ларзага солувчи воқеалар содир бўлаётган тинч аҳолининг аҳволига эътибор қаратди.
Рим папаси халқаро ҳуқуқнинг бузилишини қоралар экан, "ҳарбий жиноятлар нафақат фош этилиши, балки олди олиниши ҳам керак", деди.
Рим папаси терроризм ва экстремизм инсоний можароларнинг ечими эмаслигини таъкидлади.
Исроил ҳужумлари натижасида Ғазо секторида минглаб одамлар яраланган, ҳалок бўлган ва уй-жойини тарк этганига эътибор қаратган Рим папаси Франциск, "дарҳол ўт очишни тўхтатиш, маҳбусларни озод қилиш ва фаластинликларнинг инсонпарварлик ёрдамига киришига" чақирди.
Рим папаси "икки давлат ечими ва мустаҳкам тинчлик ва хавфсизликни таъминлаш учун Қуддуснинг халқаро махсус мақоми кафолати" тарафдорини яна бир бор таъкидлади.