Россияда кўп қаватли уйларда жойлашган биноларда диний ташкилотларни жойлаштириш ва фаолиятини тақиқлаш таклиф қилинмоқда, деб хабар бермоқда "Парламентская газета".
Россия Федерацияси Президенти ҳузуридаги Инсон ҳуқуқлари бўйича кенгаш (СПЧ) кўп қаватли уйларда жойлашган намозхоналари фаолиятини таҳлил қилиб, ўз хулосаларини президент маъмуриятига юбориш ниятида.
СПЧ раҳбари Кирилл Кабановнинг сўзларига кўра, бу ҳолат Россия Федерациясида тизимли муаммога айланиб бормоқда, чунки минтақавий ҳокимият бунга эътибор бермайди, бу эса аҳоли ва диндорлар ўртасида низоларга олиб келади. "Биз бу ташаббусни ҳуқуқ-тартибот идоралари, диний жамоалар вакиллари, манфаатдор жамоат ташкилотлари билан муҳокама қиламиз", — дея хулоса қилди Кирилл Кабанов.
Давлат Думасининг жамоат ва диний бирлашмалар қўмитаси раисининг ўринбосари Олег Леоновнинг сўзларига кўра, ибодат жойлари турар-жой биноларидан узоқда жойлашган бўлиши керак. Москвада, унинг сўзларига кўра, янги масжидлар қурилмоқда, яъни диний маросимларни ўтказиш учун жойлар етарли бўлиши керак.
Мавжуд 4 та масжидга 3 млн москвалик қандай сиғиши кераклиги ҳақида депутат жим. Шу билан бирга, у ҳар бир намозхона фаолиятини алоҳида текшириш зарурлигини таъкидлайди: диний ташкилот расмий рўйхатдан ўтганми ва белгиланган қоидаларга мувофиқми ёки йўқми.
Давлат Думасининг Миллатлар ишлари бўйича қўмитаси раҳбари Геннадий Семигиннинг фикрича, ибодат хоналари миллий диаспоралар вакиллари учун йиғилиш марказига айланиб бормоқда, бу унинг фикрича, жиноятчиликнинг кучайишига ёрдам беради. "Бундай диндорлар йиғиладиган жойлар бутун бир анклав, ихчам яшайдиган бир миллат вакилларининг ҳаёт марказига айланиб қолмайдими? Бугунги анклавларга хос бўлган ноқонуний хатти-ҳаракатларга қандай чек қўйишимиз мумкин", — деб сўради депутат.
Намозхоналар уйларда (домлар) бор, лекин бу ҳодиса кенг тарқалмаган, деди нашрга миграция бўйича эксперт Вадим Коженов. Агар катта оломон қўшниларни безовта қилса, ижарачи томонидан амалга оширилган ҳар қандай маросимлар мавжуд қоидаларни бузса, масалан, санитария меъёрлари ёки сукунат тўғрисидаги қонунни бузадиган бўлса, қўшнилар ижарачиларни қоидани бузганлик учун айблаш имкониятига эга, деб эслатади депутат Светлана Разворотнева.