Францияда ўтган суткада 9,8 мингга яқин коронавирус ҳолати қайд этилди, деб хабар қилади мамлакатнинг Sante Publique агентлиги. Сўнгги 24 соат ичида 9784 касал қайд этилди, Францияда эпидемия бошланган пайтдан касалланганлар умумий сони 2 миллион 218 минг кишига етди, 52,3 минг киши вафот этди. Бунда бир суткада касалхоналарда ўлганлар сони 198 кишини ташкил қилди.

Эрон АҚШ ва Исроилни ҳар қандай авантюрадан огоҳлантиради, ўз халқи ва манфаатларини ҳимоя қилиш учун барча зарур қадамлар қўйиш ҳуқуқини ўзида сақлаб қолади, дейилади Ислом Республикасининг БМТдаги доимий вакили Мажид Тахт-Раванчининг Теҳрон яқинида атомчи-физигига суиқасддан сўнг йўллаган мактубда.

"Владимир Путин энди бункерини тарк этмаяпти. Россия президенти билан учрашишни истаган ҳар бир киши аввал икки ҳафтани карантинда ўтказиши керак", деб ёзади Германиянинг Augsburger Allgemeine газетаси. "Ҳозир Россия пойтахтида 65 ёшдан ошган барча одамлар "уй режими"га риоя килиши керак.

Туганмас локдаун даврида COVID-19 туфайли йўқотишлар миқдори ҳақида зерикарли янгиликлар орасида одатдагидек, кўп терактлар, портлашлар, худкушлар ҳақидаги ва бошқа тероризмга яқин бўлган мавзудаги янгиликлар билан боғлиқ қизиқарлироқ сарлавҳалар қидиради.

"Европа COVID-19ни енгишга уринаётган бир пайтда Эрон, Туркия ва Россия Евросиёни америка ҳукмронлигидан олиб чиқиш мақсадида ўз пиёдаларини илгари сурмоқда", - деб ёзади криминолог, Париж-Сорбонна университети география ва геосиёсат профессори Ксавье Рофер Atlantico.fr саҳифасида.

Саудия Арабистони яқин келажакда қийин дамлар кутмоқда. Сўнгги бир неча ой мобайнида мамлакат бюджетида катта бўшлиқ хосил бўлди ва ҳозирда ҳалокатли равишда ўсиб бормоқда. Ҳукумат бу муаммони дунёнинг энг йирик давлат нефт ишлаб чиқарувчиси Saudi Aramco ёрдамида ҳал этилишига умид қилмоқда, дея хабар бермоқда РИА Новости.

Конституциявий ислоҳот лойиҳасини маромига етказиш устида иш олиб бораётган Қирғизистон конституциявий конференсияси рус тилининг расмий мақомини олиб ташлашга чақирди. Йиғин аъзоси Садирдин Торалиев ўз ташаббусини қирғиз ёшлари орасида миллий тилни асраб-авайлаш ва оммалаштириш борасида ғамхўрлик билан изоҳлади.

Теҳрон яқинида қилинган ҳужум оқибатида «Эрон бомбасининг отаси» Муҳсин Фахризода ўлдирилди. Эрон қотилларни ўз қилмишидан пушаймон бўлишга мажбур қилишини ваъда қилди. Қотиллик учун жавобгарликни ҳали ҳеч ким ўз зиммасига олгани йўқ, лекин Эрон ОАВ Нетаняхунинг Фахризодага аввалги қизиқишларини эслатиб ўтди, деб ёзади The Times of Israel.

Ҳижобдаги супермодел Ҳалима Аден шов-шувли баёнот берди - мусулмон аёл ўзининг моделлик карераси диний қадриятларига таҳдид сола бошлагани туфайли халқаро подиумларни тарк этишга қарор қилди. Ҳижобда жамоатчиликка маълум бўлган биринчи моделлардан бирига айланган Аден, машҳур брендларнинг шоуларида, жумладан, Кане Уэст кийим-кечак линиясида ҳижобда катнашган. Сўнгги кунларда Ҳалима ўз ҳиссиётлари билан ўртоқлашган бир неча постларини чоп этди.

Даниялик вазир имомларни «аёлларнинг никоҳдан олдин жинсий алоқа қилиш ҳуқуқи»ни қўллаб-қувватлашга чақириб, мусулмонлар жамоатини ғазаблантирди. Ташқи ишлар ва интеграция вазири Маттиас Тесфайе мусулмонлар етакчилари билан учрашув сўнг, уларга тўғридан-тўғри савол берди - улар мусулмон аёлларнинг тўйдан олдин жинсий муносабатларга эгалик ҳуқуқи ҳақида баланд овозда ва аниқ қилиб жамоат олдида баёнот бера оладими, деб хабар қилади Al Jazeera.

Ҳиндистоннинг ҳукмрон миллатчи партияси мамлакатнинг аҳоли энг зич жойлашган штатида «никоҳ орқали динга ўтказиш» жиноят, деб қабул қилинадиган қонунни маъқуллашга эришди. Уттар-Прадешнинг янги қонунига кўра, турли динларга мансуб келин ва куёв никоҳдан ўтиш нияти ҳақида туман судига 2 ой олдин хабар бериши керак ва фақат расмийлар бундай никоҳни тасдиқласагина, бундай никоҳ амалга ошиши мумкин бўлади.

Диего Марадонанинг ажойиб спорт карьераси унга чексиз тижорат имкониятларини очди, аммо тарихнинг энг яхши футболчиси ўзидан аниқ бўлмаган молиявий мерос қолдирди. "РБК" Марадонанинг активлари ва бизнесини аниқлаштиришга уриниб кўрди.