Маъноси: Бу қоида асосида Расулуллоҳ соллаллоҳу алайҳи ва салламнинг:«Зарар етказиш ҳам, зарарга зарар кайтариш ҳам йўқ», деган ҳадиси шарифлари мужассам. Бу қоидани Ислом шариатининг умумий руҳи ҳам қувватлайди.
Шунга кўра, айтиш мумкинки, динимизда бировга зарар-зиён етказиш ёки ўзига етказилган зарарга бошқа бир зарар билан жавоб бериш ножоиздир.
1-мисол. Бировнинг молига талафот етказган кишининг молидан (талафот етказиш ўрнига) товон ундирилади. Акс ҳолда, зарар кўрганлар сони ошар эди (бу эса мумкин эмас).
2-мисол. Ернинг ижара муддати ҳосил ўримидан олдин тугаб қолса, ер қўшимча ҳақтўлаш муқобилида ижарага олган киши қўлида қолдирилади (зарар кўрмаслиги учун).

"Мусулмон учун зарур билимлар"китобидан