Украина Россиянинг энг заиф жойларидан бирига уриб, Болтиқ денгизида жойлашган асосий йўналиш орқали нефть экспортига путур етказди, деб ёзади Bloomberg.
Украина дронларининг ҳужумлари Россияда нефть экспортининг асосий йўналишига таҳдид солмоқда. Бу ҳақида Bloomberg ахборот агентлиги хабар бермоқда. Агентлик журналистларининг таъкидлашича, Россия ва Украина ўртасидаги урушда мамлакатнинг ғарбий портларидан нефть экспортининг заифлигини таъкидлаб, янги фронт очилган.
Ўтган ҳафта биринчи Украина дрони чегарадан тахминан 1000 километр узоқликда жойлашган Россиянинг Денинград вилоятига етиб борди. Россия расмийларига кўра, ушбу учувчисиз учиш аппаратлари зарар етказмасдан Санкт-Петербургнинг хусусий нефть терминали устидан уриб туширилган. Иккинчи ҳужум Украина махсус хизматлари томонидан уюштирилган. У янада ҳалокатли бўлди. Ёнғин натижасида Россиянинг энг муҳим нефть экспорт қилувчи корхоналари ёнида жойлашган Усть-Луга портидаги «Новатек» АЖ газ конденсати терминали тўхтатилди. "Мунтазам ҳужумлар ёки оғирроқ дронлардан фойдаланиш Болтиқбўйи портларининг ишлашини бузиши ва экспортнинг камайишига олиб келиши мумкин", - дейди мутахассислар. Агар бу содир бўлса, "Россияда кўплаб муқобил вариантлар бўлмайди".
Россия нефть экспортининг барқарорлигини таъминлаш мамлакатнинг энергетика секторидан барча бюджет даромадларининг қарийб 30 фоизини оладиган Кремл учун жуда муҳимдир. Нефтедоллар оқими Украина билан тўқнашувни молиялаштиришга, шунингдек март ойида бўлиб ўтадиган президентлик сайловлари олдидан ички харажатларни молиялаштиришга ёрдам беради.
Болтиқ денгищи орқали экспортда жиддий узилишлар бутун дунёда сезилади. Россия учта глобал нефть ишлаб чиқарувчилардан бири бўлиб, ўтган йили Хитойнинг энг йирик етказиб берувчиси эди. Денгиздаги кемаларга қилинган ҳужумлардан сўнг нефть бозори аллақачон ҳушёр ҳолатда ва Украинанинг қўллаб-қувватлашига қарамай, Ғарб узоқ вақтдан бери Россия нефтининг нархларга таъсир қилиши сабабли жаҳон бозоридан йўқ бўлиб кетишини истамаяпти. Эслатиб ўтамиз, тунда Санкт-Петербург яқинида Новатек газ терминалига номаълум учувчисиз учиш аппаратлари томонидан зарба берилган.