Сунъий йўлдош навигация тизимлари (GPS, ГЛОНАСС) бугунги кунда ҳаётимизнинг ажралмас қисмига айланди. Улар қуруқлик, сув ва ҳаво объектларининг жойлашишини (географик координаталарини) аниқлаш учун ишлаб чиқилган.

«Юзингни Масжидул Ҳаром томон бур. Қаерда бўлсангиз ҳам, юзингизни у томон бурингиз» (Бақара, 144). Кўп асрлар давомида мусулмонлар ибодат пайтида Макка томон юз тутиб, Аллоҳнинг амрини бажариб келадилар. Бироқ, уни бажариш ҳар доим ҳам осон эмас, айниқса сиз номаълум жойда бўлсангиз. Мусулмон олимлари математиканинг Европада илм-фан сифатида ривожланишидан анча олдин бу муаммони математик равишда ҳал қилишган.

Дунёнинг исталган нуқтасидан туриб қиблани қандай аниқлаш мумкин? Ушбу савол бутун дунё мусулмонлари орасида келишмовчиликлар юзага чиқаради. Бу масала 2000 йил Тадқиқотлар бўйича Мусулмонлар жамияти (Muslim Society for Survey) томонидан ҳам кўриб чиқилди, симпозиум ташкил қилинди, бу муаммони батафсил ўрганиш билан шуғулланувчи Абдулазиз Саллам таклиф этилди.

Каъбанинг ички қисми қандай кўринишга эга эканлиги ҳақида кўпчилик билмайди. Каъба шифтини учта устун кўтариб туради. Ҳар бир устун асосий фаришталардан бири номини олган. Устунлар устки қисмига бир нечта ёритиш чироқлари осилган кўндаланг тўсин маҳкамлаб қўйилган.