Виждон — бу инсон табиатан, биологик жиҳатдан ўзининг сақланиши ва наслини давом эттириш каби қонунларга мос ҳолда яратилган табиий қонундир. Кейинчалик ёзма қонунлар яратишга бўлган барча уринишлар сунъий ва камчиликларга тўла, деб ҳисобланади.

Одамлар билан муносабатларда «Виждонинг борми, виждонингга қарши борасанми», «виждонсиз» деган гапларни кўп эшитгансиз. Шунда «Виждон ўзи нима?» деган савол туғилган бўлиши ҳам мумкин. Ғарб олимлари наздида виждон  кишилик жамиятидаги ва атроф-муҳитга муносабатдаги инсоннинг ўзини тутишдаги ахлоқий масъулият туйғусидир.