Қушлар эмбрион ривожланиш даврида динозаврларга жуда ўхшаш, деб хабар беради Science Alert. Биологлар қисқа вақт ичида барча жўжаларда ривожланишининг бошида динозаврларнинг тос суягига жуда ўхшаш тос суягини ўсишини аниқладилар. Кейинчалик, сон суяги кескин равишда ўзгариб, "қуш" шаклига айланади.
Йель университетининг эволюцион биологи Кристофер Гриффин шундай деди: "Қушларнинг тос суяги ривожланишининг дастлабки босқичлари динозавр сон ривожланишининг дастлабки босқичларига жуда ўхшашлиги ажабланарли ". Унинг сўзларига кўра, атиги икки кун ичида ривожланаётган қуш эмбриони эволюция жараёнида динозаврларнинг ташқи кўриниши замонавий қушларнинг ташқи кўринишига ўхшаш бўлгандек ўзгаради.
Шу билан бирга, туғилгандан кейин қушларнинг тос суяги функционаллиги ва кўриниши билан динозаврнинг органларидан фарқ қилади. Қушларнинг сон суяги ҳар қандай динозаврникига қараганда горизонталроқ бўлиб, уларнинг оёқлари турли хил ҳаракатларни амалга оширишга имкон беради. Қушларнинг қовурға билан қорин орасидаги суяги уларнинг тана массасини кўпроқ қўллаб-қувватлайди, қов суяги динозаврлардаги каби олдинга эмас, орқага эгилган бўлади.
Бироқ, эмбрион давридаги ҳар бир қушнинг "динозавр шакли" бор, дейди олимлар. Йель университети палеонтологи Бҳарт-Анжан Бҳуллар: "Кейин, охирги дақиқада у қуш эканлигини ва қушнинг тос суягига муҳтожлигини эслаб қолади".
Тадқиқотчиларнинг фикрича, терминал тузилиш деб аталадиган шунга ўхшаш жараён бошқа турларда ҳам кузатилиши мумкин. Эҳтимол, бу ҳатто катта эволюцион ўтишлар учун стандарт бўлиши мумкин.