Дунёнинг 45 дан ортиқ мамлакатида намойиш этилган «Муҳташам юз йил» сериали ўз тарафдорлари қаторини яшин тезлигида оширмоқда. Унинг томошабинлари сони охирги икки йил ичида 33 млн. кишидан 204 млн. кишигача ўсди. Бироқ, ҳатто бир нечта серияни кўрган одамда ҳам беихтиёр шундай савол туғилади: фитна, сотқинлик, хиёнат, алдаш ва фирибгарликка тўла ҳаёт – наҳотки «Муҳташам юз йил» шу бўлса? Ёки бу сериал – тарихий далиллар ва ҳақиқатни бузиб кўрсатишга қаратилган навбатдаги ҳаракатми?