2020 йилнинг октябрида Қозоғистон, Қирғизистон, Тожикистон ва Ўзбекистонда аёллар ва қизларга нисбатан таксида шилқимликларни ўрганиш ва бу муаммони давлат миқёсида кўриб чиқишга қаратилган «Марказий Осиёда таксида хавфсизлик» ахборот кампанияси бошланди.

Дубай полицияси БАА ҳудудида нотаниш аёлларга нисбатан шилқимлик ва хираликнинг ҳар қандай шакллари учун 10 минг дирҳам (US$ 2,73 минг) жарима ва бир йилгача бўлган муддатга озодликдан маҳрум қилиш жазоси ҳақида эслатиб ўтди.

Жанубий Осиё мамлакатлари ОАВда мактаб директори томонидан қилинган жинсий шилқимликдан шикоят қилганидан сўнг устига бензин қуйиб ёқиб юборилган бангладешлик мактаб ўқувчиси бўлган қиз воқеаси катта шов-шувларга сабаб бўлди. Бангладешнинг Dhaka Tribune нашри ёзишича, рўй берган воқеага БМТ ҳам эътибор қаратди. БМТнинг Бангладешдаги доимий вакили Миа Сеппо (Mia Seppo) мамлакат ҳукуматини рўй берган воқеани адолатли тергов қилишга чақирди.