«Америка Қўшма Штатлари мустақиллик Декларацияси» (1776 й.) муаллифи америкалик сиёсатчи ва дипломат, АҚШнинг учинчи президенти (1801-1809йй.) Томас Жефферсон бўлган. Бу мактаб ўқувчиларининг кўпчилигига маълум. Бироқ Жефферсон узоқ йиллар давомида Исломга қизиққанлиги унчалик маълум эмас. Кейинроқ, АҚШ президенти бўлганида, у ушбу қизиқишни муайян сиёсий ечимларга айлантира олди.