Узоқ йиллар бу ҳодиса ҳақда сўзлашга юрагим бетламади, бир оёғимни олдинга боссам, иккинчисини олиб қочардим. Ким ҳам ислом ва мусулмонларнинг ҳалокати эълонини ёза оларди? …Ким ҳам Ислом ва мусулмонларнинг қирғини эълонини бита оларди? Қайси инсонга ўшал воқеаларни гапириш енгил бўларди?

Кунларнинг бирида амир Қутуз қалъасининг болахона айвонидан “Жабал ал-Фасиҳа” қўрғонига назар ташлаб, унда тенгқурлари билан эшак устига сакраб ўйнаётган ёш султонни кўриб қолди. Амирнинг жаҳли чиқди, у оғир хўрсиниб, “Мисрнинг ҳақиқий ҳукмдори шуми? Чиндан ҳам шаҳарларни шунақанги масъулиятсиз ўспирин бошқариши кулфатдан бошқа нарса эмас”, деб қўйди.