Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Туркия муқаддас Рамазон ойида Қозоғистоннинг Туркистон шаҳрида истиқомат қиладиган муҳтож ва ночор оилаларга ёрдам кўрсатди. Туркия Дин фонди (TDV) линияси бўйича Хўжа Аҳмада Яссавий масжидида 30 нафар муҳтож шахсга озиқ-овқат маҳсулотлари тарқатилди.
Дунёнинг энг йирик спорт кийимлари ишлаб чиқарувчи компанияларидан бири саналган Nike Томонидан тақдим этилган ҳижоб Lyst таҳлилий платформаси томонидан тузилган энг урф бўлган кийим-бош предметлари рейтингидан ўрин олди. The Independent нашрининг хабар қилишича, компания томонидан 2017 йил тақдим этилган Pro Hijab номи остидаги спортча мусулмонлар рўмоли рейтингда еттинчи ўринни эгаллади.
Оқ уйда мамлакат Президенти Доналд Трамп томонидан ташкил этилган ифторлик бўлиб ўтди. Америка оммавий ахборот воситаларининг ёзишича, тадбирда бошқа президентлар каби жуда кўп ҳам одам қатнашмади. Унинг иштирокчилари бир неча мусулмон мамлакатларининг дипломатик идоралари раҳбарлари бўлди.
Яманда очарчиликдан азоб чекаётганларга ёрдам бериш учун талаб қилинган миқдордаги пулнинг атиги 14 фоизи тўпланди. Яна 4,2 миллиард доллар етмаяпти. Бу ҳақида БМТ рамсий вакилининг муовини Фархон маълум қилди. Унинг сўзларига қараганда, бугунги кунда озиқ-овқат, сув ва тиббий ёрдам етишмаслигидан Яманнинг 20 миллионга яқин аҳолиси азият чекмоқда. Яна 10 миллион яманлик очлик ёқасида турибди.
Эрон ҳарбий-денгиз кучлари қўмондони контр-адмирал Ҳуссайн Хонзодий Қўшма Штатлардан Яқин Шарқни ўзининг ҳарбий иштирокидан халос қилишни сўради, деб хабар беради ISNA агентлиги. Шу тариқа Хонзодий американинг Arlington авиаташувчисини минтақага ўтказишга жавоб берди.
Қарийб бир йилдан ортиқ вақт мобайнида Шайх Муҳаммад Содиқ Муҳаммад Юсуф роҳимаҳуллоҳ номидаги барпо этилаётган мажмуада қурилиш ишлари бир лаҳза бўлсин-да, тўхтагани йўқ. Ва, ниҳоят мажмуада қурилиш ишлари ўз якунига етиб юртдошларимиз учун фойдаланишга топширилди.
Дубай полицияси БАА ҳудудида нотаниш аёлларга нисбатан шилқимлик ва хираликнинг ҳар қандай шакллари учун 10 минг дирҳам (US$ 2,73 минг) жарима ва бир йилгача бўлган муддатга озодликдан маҳрум қилиш жазоси ҳақида эслатиб ўтди.
Россия президенти Владимир Путин Россия Мусулмонлар диний идораси раиси, Бош муфтий Талғат Тожуддинни «Ватан олдидаги хизматлари учун» III даражали ордени билан тақдирлади. Мос келувчи Фармон ҳуқуқий ахборот расмий интернет-порталида эълон қилинди.
Душанбе шаҳри ҳокими Рустам Эмомали Тожикистон пойтахтининг умумий овқатланиш муассасаларига муқаддас Рамазон ойида одатий иш режимида ишлашга кўрсатма берди. Ресторан ва кафелар эрталаб соат 11 дан кечикмасдан очилиши лозим, деб хабар беради Душанбе маъмуриятининг расмий сайти.
Bellingcat веб-сайти ва The Guardian журналситик тадқиқотларига кўра, охирги 3 йил давомида Хитой ҳукумати мамлакатнинг исломий инфратузилмасига жиддий зиён етказди, лекин бу мамлакат доирасидан ташқарида жамоатчилик ва жаҳон ОАВ томонидан сезилмади ҳам.
Муқаддам Рамазон ойи давомида Германияда мусулмон-тадбиркорлар даромад солиғи тўлашдан озод қилинди. Бу биринчи навбатда, исломий озиқ-овқат бозорлари ва ҳалол ресторанларга тааллуқли. DAILYTimes хабар беришича, солиқ имтиёзлари ҳақидаги қарорни ГФР канцлери Ангела Меркел имзолади. Ҳужжатга шарҳга кўра, қабул қилинган чорадан мақсад муқаддас Рамазон ойида мусулмонлар рўза тутган вақтда озиқ-овқат маҳсулотлари қийматини пасайтиришдир.
Пензада мактаб ўқувчилари дарсларга мусулмон рўмолларида бориши ёки ўз мактаблари ҳудудида биронта диний рамзлар билан юриши мумкин эмас. Ҳижоблар тақиқланиши 20 та таълим муассасасида жорий қилинди. Бунга минтақавий прокуратура талаби асос бўлиб хизмат қилди.
Ўзбекистон мусулмонлари идораси Фатво ҳайъатининг милодий 2019 йил (ҳижрий 1440 йил) учун ЗАКОТ нисоби 1 грамм тиллонинг бугунги кунда бозорларимиздаги ўртача нархи 200 000 (икки юз минг) сўм эканлигини эътиборга олиб, закот нисоби 85 (саксон беш) грамм тилло, яъни 17 000 000 (ўн етти миллион) сўм деб белгилангани ва мазкур сумманинг қирқдан бир (1/40) ҳиссаси, яъни 425 000 (тўрт юз йигирма беш минг) сўмни закот ниятида чиқарилиши ҳақидаги хулосаси маъқуллансин.