Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
АҚШ президенти Доналд Трамп ўжарлик билан Оқ уйдаги лавозимларга ўтакетган исламофоб нуфузига эга бўлган шахсларни тайинлашда давом этмоқда. Хусусан, яқинда Трамп молия вазири матбуот-котиби лавозимига фитналар назарияси ва «ёмон мусулмонлар» руҳидаги шарҳлари билан машҳур бўлган Моника Кроулини тайинлади.
Ижтимоий тармоқларнинг ўзбек сегментида ўзбек йигитига турмушга чиққан ва у билан бирга унинг ватанига жўнаб кетган Буюк Британия фуқароси ҳикоясига койил қолишди. Келин-куёвлар, Джейн ва Нуриллохон, Фарғона вилоятининг Эшонгузар қишлоғида яшашади. Улар хорижда танишиб қолишган. Бир-бирини ёқтириб қолган жуфтлик ўртасидаги туйғу кучайиб, муҳаббатга айланди. Йигит маҳбубасининг қўлини сўради. Қиз розилик билан жавоб берди.
25 июл куни Forbes журнали аралаш услуб (ММА) бўйича жангчи Ҳабиб Нурмагомедовни 40 ёшгача бўлган шоу-бизнес ва спортнинг россиялик энг муваффақиятли вакили деб топди, деб хабар беради Чемпионат.com. Рўйхатни тузишга икки омил таъсир кўрсатди: қатнашчилар даромади (2018 йил июнидан 2019 йил майгача) ва уларнинг машҳурлиги (ОАВда айтиб ўтилиш, қидирув дастурларида сўровлар ва ижтимоий тармоқлардаги обуначилар сони).
Келиб чиқиши турк миллатига мансуб бўлган Германия терма жамоаси футболчиси Месут Ўзил Буюк Британия пойтахтида қуролланган жиноятчилр ҳужумига учради. Лондоннинг «Арсенал» клуби 30 яшар ўйинчиси пойтахт шимолидаги кўча пойгаси қурбони бўлди – мотоцикл минган бир гуруҳ нотанишлар унинг джипини ўраб олди ва совуқ қурол чиқарди.
Женевадаги БМТ бўлинмаси ва бошқа халқаро ташкилотлардаги Ўзбекистон вакили Улуғбек Лапасов Жаҳон савдо ташкилоти (ЖСТ) бош директори Роберту Азаведу билан учрашди ва унга ташқи савдо ҳақида меморандум топширди, бу эса, ЖСТ раҳбарининг фикрига кўра, Марказий Осиёнинг ушбу республикаси бу халқаро ташкилотга аъзо бўлиб кириши бўйича расмий музокаралар жараёни бошланганидан далолат беради.
Қозоғистон президенти Қосим Жўмарт Тўқаев Худога ишониши ва диний байрамларда масжидга ташриф буюриши ҳақида гапириб берди, хабар қилади РИА Новости. «Келиб чикишим бўйича мен, албатта, мусулмонман, лекин мен кунига беш маҳал намоз ўқийдиган мусулмон эмасман. Лекин байрам кунлари масжидга бораман», - деди Тўқаев якшанба куни «31-канал»да премьераси бўлиб ўтадиган Алексей Пивоваровнинг "Президент 2.0" ҳужжатли фильмида.
Россия Федерацияси президенти Владимир Путин Қирғизистон собиқ президенти Атамбаев билан Кремлда бўлиб ўтган музокаралар ҳақида хабар қилди ва асосий мавзу минтақадаги вазият бўлганлигини таъкидлади, хабар қилади РИА Новости. Маълум қилинишича, Қирғизистон давлатининг собиқ раҳбари Москвага чоршанба куни эрталаб Россия авиабазаси ҳудудидан учиб борган. Атамбаев атрофидагилар махсус бортни қабул қилувчи томон уюштирганини маълум қилди.
АҚШда мусулмон аёл банк бўлинмасида диний ва миллий белгилар бўйича камситилишга дуч келганидан сўнг ҳуқуқ ҳимоячилари ёрдамида инсон ҳуқуқлари бўйича комиссияга шикоят билан мурожаат қилди. Аввалроқ ҳижобли аёл ҳисобрақами очиш ва 3800 доллар миқдорида пул қўйиш учун Манхэттендаги Citibank бўлинмасига ташриф буюрганди.
АҚШ президенти Доналд Трамп БАА ва Саудия Арабистонига қурол-яроғ сотишни тақиқлайдиган Конгресснинг учта резолюцияси бўйича вето ҳуқуқидан фойдаланди. Оқ уй раҳбари ўз қарорини шу билан изоҳладики, ушбу резолюциялар АҚШнинг дунё майдонидаги рақобатбардошлилигини сусайтириши ва Вашингтоннинг иттифоқчилар билан муносабатларига зиён етказиши мумкин.
Бутун республикада ишлаб турган газ ҳисоблагичларни электрон газ ҳисоблагичларга алмаштириш режалаштирилган. 3,4 млн.га яқин янги электрон ҳисоблагичларни ишлаб чиқаришга буюртмани Artel компанияси олиши мумкин. «Ўзтрансгаз» АЖ мутасаддиларининг 24 июлдаги брифингда айтишича, электрон ҳисоблагичларини ишлаб чиқаришни йўлга қўйиш бўйича Artel компанияси билан музокара олиб борилмоқда.
Охирги пайтларда ижтимоий тармоқларда ўзининг «кексайтирилган» фотосураталрини жойлаш урф бўлди – юзлаб машҳур кишилар FaceApp дастури ёрдамида ўзларининг ўзгартирилган расмлари билан ўртоқлашдилар. Кексайтирувчи дастур араб дунёсида ҳам оммалашди, шу муносабат билан ал-Азҳар академиясидан бўлган мисрлик машҳур олим бу борада фикр билдиришга қарар қилди.
Россия ва Туркия ўзаро ҳисоб-китобларни фақат миллий валюталарда амалга оширишга ўтиш ҳақида музокаралар олиб бормоқда. «Интерфакс» маълумотларига кўра, томонлар мос келувчи ҳукуматлараро битимни тайёрлашга киришдилар. Агентлик манбаларидан бирининг хабар беришича, ўтган ҳафта Москва ва Анқарада ушбу мавзу муҳокама қилинган учрашув бўлиб ўтди.
Қирғизистон ҳукумати Тожикистон билан чегарадаги тўқнашувлар ҳудудидан 315 нафар маҳаллий аҳолини олиб чиқиб кетди. Бу ҳақида сешанба куни тарқатиган Қизил Ярим ой халқаро жамиятининг Қирғизистондаги ваколатхонаси хабарида айтилди.