Янгиликлар (5377)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Ибодатни митрополит Эммануел Адамакис ўтказди.
“Чегара билмас мухбирлар” халқаро ноҳукумат ташкилоти Афғонистон эркин журналистлар уюшмаси билан ҳамкорликда 20 декабр куни ҳисобот эълон қилди, унда “Толибон” ҳокимият тепасига келганидан бери Афғонистонда 231 та оммавий ахборот воситаси ёпилгани, 6,4 минг журналист ва оммавий ахборот воситалари ходимлари ишлаган ишидан айрилгани айтилган. Ҳисоботда келтирилишича, режим репрессияларидан энг кўп аёл журналистлар жабр кўрган.
Якшанба куни Суданда юз минглаб одамлар октябрдаги ҳарбий тўнтаришга қарши намойиш ўтказиш учун Хартумдаги президент саройига марш билан ўтганидан сўнг хавфсизлик кучлари кўздан ёш оқизувчи газ ва ўқ-дориларни ишга солиши оқибатида ўнлаб намойишчилар яраланди. Бу ҳақида Middle East Eye нашри хабар қилади.
Қўшма Штатлар Шинжондаги уйғурларга нисбатан инсон ҳуқуқлари бузилиши муносабати билан бир қанча Хитой компанияларига қарши янги санкциялар эълон қилди. АҚШ Савдо вазирлиги Хитой Ҳарбий тиббиёт фанлари академияси ва унинг ҳарбий биотехнологияга ихтисослашган 11 тадқиқот институтини уларнинг экспорт ҳуқуқларини чекловчи фирма ва муассасаларнинг санкциялар рўйхатига киритди.
Американинг Ироқ, Сурия ва Афғонистондаги ҳаво ҳужумлари натижасида юзлаб ва ҳатто минглаб тинч аҳоли, жумладан, болалар қурбон бўлган. Бунда уларнинг ўлими ҳақидаги маълумотлар АҚШ ҳарбийлари томонидан ҳисобга олинмаган. Бу ҳақда Пентагоннинг Яқин Шарқдаги ҳарбий амалиётлари ҳақидаги 1,3 мингдан ортиқ махфий ҳужжатларни ўрганган The New York Times тадқиқотида айтилади.
Россия президенти Владимир Путин матбуот анжумани вақтида Санкт-Петербургда яшовчи фуқаро “судга берган” Қорбобонинг адвокати бўлишга тайёр эканлигини маълум қилди. Ушбу даъво ҳақида Қорбобонинг ватани ҳисобланмиш Великий Устюг жойлашган Вологда вилоятидан журналист хабар берди.
Муҳаммад соллаллоҳу алайҳи васалламни ҳақорат қилиш ижод эркинлиги эмас, балки инсонларнинг муқаддас туйғуларини бузишдир, деди Россия президенти Владимир Путин бугун йиллик матбуот анжуманида. Журналистлар билан учрашув тўрт соатдан ортиқ давом этди.
БМТ озиқ-овқат ва қишлоқ хўжалиги ташкилоти маълумотларига кўра, охирги 20 йилда араб дунёси мамлакатларида очликдан азият чекаётган одамлар сони 91,1%га ўсди.
Махачқалъалик Шахбан Агаев Советский туман суди томонидан БМТ ва кўплаб мамлакатларда террорчи деб тан олинган «Туркистон ислом партияси» байроғини Инстаграмда оммавий намойишда айбдор деб топилди. Маъмурий жавобгарликка тортилган Агаев энг енгил жазони олди - минг рубл миқдорида жарима тўлайдиган бўлди.
Пандемия авж олиши билан ҳар йили миллионлаб мусулмонларни Саудия Арабистонига жалб қилган Маккага зиёрат қилиш қийинлашди. Аммо энди қироллик виртуал реаллик ташаббусини бошлаб юборди, айтишларича, мусулмонларга ўз уйларидан туриб Каъбага тегишига имкон беради.
Душанба куни, президент Эрдўған валютани мустаҳкамлаш учун янги чоралар эълон қилганидан кейин турк лираси кучли ўзгариб турди. Эрдўғаннинг айтишича, ҳукумат Туркия валютаси пасайшидан зарар кўрмаслик учун лирани долларга айлантиришга мажбур бўлиши мумкин бўлган банк омонатчиларини ҳимоя қилади.
Кобулда норозилик намойишлари иштирокчилари АҚШдан Марказий Банкнинг музлатилган активларини Афғонистонга қайтиришни талаб қилмоқда
РEГНУМ ахборот агентлигининг хабар қилишича, Исроил Марказий статистика бюроси 21 декабрь куни ўтган йили туғилган чақалоқларнинг энг кўп қўйилган исмлари ҳақидаги маълумотларни эълон қилди. 2020 йилда туғилган ўғил болалар исмлари орасида биринчи ўринни Муҳаммад исми эгаллади.