Мунофиқлик ҳам куфр ва ширк каби катта ва кичик турларга бўлинади. Катта мунофиқлик деб сохта ақидага айтилади ва бу дўзахнинг энг паст даражасида абадий қолишни вожиб қилади. Бу: таши мусулмон, ичи кофир бўлишликдир. Бундайлар Расулуллоҳ соллаллоҳу алайҳи васалламнинг замонида бўлган ва Қуръон ундайларнинг ниқобини йиртиб шарманда қилган, мўмин бандалари учун уларнинг ишларини очиб берган, токи улар каби бўлишдан ҳазир бўлсинлар ва уларнинг ахлоқларидан имкон қадар узоқ бўлсинлар учун.

Мунофиқ эркаклар ва мунофиқ аёллар ҳаммалари бир-бирларига ўхшайдилар – ёмонликка буюрадилар ва яхшиликдан қайтарадилар. Қўлларини (яхшиликдан) тортадилар. Улар Аллоҳни унутдилар, Аллоҳ ҳам уларни "унутди". Шубҳасиз, мунофиқлар ҳақиқий фосиқлардир! Аллоҳ мунофиқ эркакларга, мунофиқ аёлларга ва кофирларга жаҳаннам оловида абадий қолишларини "ваъда" қилган. Ўша ер уларга кифоядир. Аллоҳ уларни лаънатлади. Уларга доимий азоб бор. (Тавба сураси, 67-68-оятлар).

Бу дунёда мусулмонлар учун энг қадрли нарса соғлиқ, пул ва мол-мулк эмас, болалар ва қариндошлар ҳам эмас, балки иймондир. Айнан иймон Аллоҳнинг марҳамати билан бу ҳаётда ва нариги дунёда муваффақият йўлини очиб берадиган қадрият ҳисобланади. Шундай экан, агар сиз кимгадир энг яхши нарса тиламоқчи бўлсангиз, унга мустаҳкам иймон тиланг, бу ҳақиқатда бебаҳодир!

Қўллар дуога кўтарилган, кўзлардан эса ёш оқмоқда. Бир овоздан янграган «Омийн» садоларидан ҳаво ларзага келади. «Эй, Аллоҳ! Ғазо халқига нажот бер! Эй, Аллоҳ! Уларга нусрат бер! Эй, Аллоҳ! Уларни Ўзинг ҳимоя қил!», - имом шундай деб, баланд овозда дуо қилади. Рамазон ойида бу ҳолатни деярли ҳар бир масжидда кузатиш мумкин эди. Ўтган йилги Рамазонда ҳам, ундан олдингисида ҳам шундай эди...