Жанубий Африка ҳукумати Ғазо секторида инсониятга қарши жиноятлар давом этаётгани сабабли Тел-Авивдаги барча дипломатларини маслаҳатлашувлар учун чақириб олганини маълум қилди, деб ёзади “РИА Новости”.
Жанубий Африка Республикаси Президенти девонида вазир Кумбудзо Нтшавени таъкидлаганидек, мамлакат ҳукумати Исроил ҳукумати халқаро ҳуқуқ ва БМТ резолютсияларини менсимасликдан ҳафсаласи пир бўлган. Унинг қўшимча қилишича, вазирлар маҳкамаси Исроилнинг Жанубий Африкадаги элчисининг “Исроил ҳукуматининг ваҳшийликлари ва генотсидига қарши чиққанларга” нисбатан “давомли ҳақорат сўзларини” инобатга олган. Аввалроқ Жанубий Африка президенти Сирил Рамафоса Фаластин халқи билан тўлиқ бирдамлигини эълон қилган эди. У ўз мамлакати халқи апартеид репрессив тизимини ўз бошидан кечирганини ва унга қарши курашганини эслади. Аввалроқ Россиянинг БМТдаги доимий вакили Василий Небензя Исроилнинг босқинчи давлат мақоми туфайли ўзини ҳимоя қилиш ҳуқуқига эга эмаслигига эътибор қаратган эди.