Туркия президенти Тойиб Эрдўғон унинг мамлакати ХАМАС томонидан гаровга олинган баъзи исроилликларни озод қилиш бўйича музокаралар олиб боришини маълум қилди.
Анқара якшанба куни ХАМАС Исроилга кутилмаган ҳужум уюштирганидан сўнг бошланган Исроил ва ХАМАС ўртасида давом этаётган урушда воситачилик режасини ишга туширди, деб хабар бермоқда Anadolu ахборот агентлиги.
Эрдўғон можаро юзасидан араб давлатлари раҳбарлари билан ҳам музокаралар ўтказди.
Чоршанба куни у Саудия Арабистони валиаҳд шаҳзодаси Муҳаммад  бин Салмон ва Жазоир президенти Абдулмажид Теббун билан суҳбатлашди.
Музокаралар жараёнини муҳокама қилар экан, Эрдўғон Анқара можарога тезда барҳам бериш учун воситачилик ва "адолатли арбитраж" каби "қўлидан келган барча ишни қилишга тайёр" эканини айтди.
Эрдўғон Исроил президенти Исаак Герцог ва Фаластин президенти Маҳмуд Аббос ҳамда БМТ Бош котиби Антонио Гутерриш билан ҳам суҳбатлашди.
Туркиянинг Haberturk хусусий телеканали илк бор Туркиянинг гаровга олган исроилликларни озод қилиш стратегияси ҳақидаги репортажни эълон қилди.
Кейинроқ расмий манба бу маълумотни AFP ҳам тасдиқлаб, "улар гаровга олинганларни озод қилиш бўйича музокаралар олиб боришаётганини" айтди.
Бу хабар Туркия ХАМАС ва Исроил ўртасидаги можародан жабр кўрган фаластинликларга шошилинч инсонпарварлик ёрдами жўнатишга ҳозирлик кўраётган бир пайтда пайдо бўлди.
Туркия Мудофаа вазирлиги вакили пайшанба куни "минтақада вазият жуда оғир" ва "ҳозирги шароитда у ерга ёрдам етказиш жуда қийин" деди.