NIYSO мухолифатдаги чечен телеграм-канали «қодировчилар»нинг Украинадаги жанговар зонада таъминот етарли эмаслиги ҳақидаги шикояти баён этилган видеони эълон қилди. Ёзув қачон ва қаерда қилинганлиги аниқ маълум эмас.

"Мен билан жуда кўп вайнахлар бор. Биз Жанубий Донецк йўналишидамиз. Икки соатдан кейин биз бир қишлоққа ҳужум қиламиз. Биз сизнинг ёрдамингизга муҳтожмиз. Раҳбарият [видеода] қаерда эканлигимизни аниқ айтишга рухсат бермади... Бизнинг ротамиз, уч ёки тўртта гранатомет ва беш ёки олтита граната отадиган автоматдан ташқари, катта қуролга эга эмас. Улар бизга бошқа ҳеч нарса беришмади... Худо ҳақи бизга жанговар таъминот борасида ёрдам беринг", - дейди аскар камерага қараб.