3 март куни Туркия мухолифатидаги "Яхши партия" етакчиси Мерал Акшенер мухолифат коалициясидан чиқишини маълум қилди, деб хабар бермоқда "ал-Жазира".
У Республика Халқ партияси етакчиси Камол Киличдороғлуни мамлакатнинг амалдаги раҳбари Ражаб Тоййиб Эрдўғанга қарши бўлиб ўтадиган президентлик сайловларида ягона мухолифат номзоди сифатида кўрсатиш таклифини рад этишини таъкидлади.
"Киличдороғлуни танлаш Туркиянинг жамоат манфаатларига зид бўлган "майда ҳисоб-китоблар" натижасидир", - деди Акшенер.
Можаро пайшанба куни бўлиб ўтган йиғилишда беш партиянинг Республика Халқ партияси етакчиси Камол Киличдороғлу номзодини таклиф қилгани, "Яхши партия" эса Истарбул ва Анқара мэрлари номзодларини муҳокама қилиш ниятида бўлганлиги сабабли юзага келган.