19 октябр куни эрталаб рус босқинчилари Мариупол марказида 2004 йилда ўрнатилган «Голодомор»  қурбонлари хотирасига бағишланган ёдгорликни бузиб ташлашди.
Манба: Россиянинг ташвиқот нашри "РИА Новости"
Тафсилотлар: Хабар қилинишича, ёдгорлик автокран ёрдамида демонтаж қилинган. Босқинчилар гранит қурилиш материалларига қайта ишланишини айтишди.
Босқинчиларнинг шериги, "Молодая Республика"  жамоат ташкилоти марказий штаб-квартираси вакили Евгения Кротованинг айтишича, босқинчилар ёдгорликлар билан курашмаяпти, балки "давлат даражасида дезинформация" рамзини олиб ташламоқда.
Россия босқинчиларининг малайи, Донецк Миллий университети кафедра мудири, тарих фанлари номзоди Артем Бобровский Украинада очарчилик (голодомор) бўлмаганини даъво қилади.
Унга кўра, 1932-33 йиллардаги очарчиликдан Украина ва Донбасс эмас, Қозоғистон, Волгабўйи ва Шимолий Кавказ энг кўп жабр кўрган.
Азов давлат техника университети ўқитувчиси Ольга Шмачкованинг айтишича, Мариуполь аҳолиси "ўтмиш фожиаларини эслатиб, қалбларини ҳаяжонлантирмасликлари керак".
Маълумот учун: «Голодомор» қурбонлари хотирасига ёдгорлик белгиси босқинчилар томонидан вайрон қилинган Университетская кўчасидаги драма театридан унча узоқ бўлмаган кичик майдонда, 2004 йилда ўрнатилган эди.
Икки қисмга бўлинган, қора ва қизил гранитдан ясалган пастак тўғри бурчакли пойдеворда лента билан боғланган маккажўхори бошоқлари ва Гулаг рамзи бўлган тиканли симлар тасвирланган.
Ёдгорлик «Голодомор» ва совет тоталитар тузумининг сиёсий қатағонлари қурбонлари хотирасига ўрнатилган.