Украина Қуролли Кучларининг қарши ҳужуми элита деб аталадиган рус бўлинмаларининг аллақачон паст бўлган руҳий ҳолатига путур етказади ва Кремлнинг нуфузли одамлари орасида ваҳима уйғотади. Буни 19 сентябрь куни россиялик ҳимоячилар ўртасида Луганск ва Донецк вилоятларини зудлик билан Россияга қўшиб олиш зарурати тўғрисидаги шошилинч муҳокамалар тасдиқлайди.
Урушни ўрганиш институти (ISW) таҳлилчиларининг кундалик ҳисоботига кўра, "ДХР" ва "ЛХР" россиялик гумашталарнинг "қонун чиқарувчи органлари" ўз раҳбариятини  "ЛХР/ДХР" ни Россия субъектлари сифатида тан олиш бўйича дарҳол "референдум" ўтказишга чақирган.
Россиялик тарғиботчи Маргарита Симонян «референдум»ни олқишлаб, уни "Қрим сценарийси" деб атади. Унинг ёзишича, босиб олинган Украина ерларини Россия ҳудуди деб тан олиш орқали НАТОга Украинанинг қарши ҳужумларига жавоб зарбалари билан таҳдид қилиш осонроқ бўлади, бу эса "Россиянинг қўлларини ҳар жиҳатдан ечиб юборади".
"Бу ёндашув изчил эмас. Россия қўшинлари бутун Донецк ва Луганск вилоятларини назорат қилмайди. Шундай қилиб, "Л/ДХР" томонидан даъво қилинган ҳудудларнинг аннексия қилиниши, Кремлга кўра, қисман Украинанинг қонуний ҳокимияти ва Украина Қуролли кучлари таъсири остида бўлган ҳудудларни Россияга қўшиб олишига олиб келади", - дея тушунтирди ISW.
Институт Россия раҳбариятида Луганск вилоятидаги Оскол дарёси бўйлаб олдинга ўтаётган Украина қўшинларини тўхтатиш учун воситалар етишмаяпти, деб тахмин қилмоқда. Кремлнинг фикрича, қисман аннексия қилиш Россиядан ҳам, янги аннексия қилинган Украина ҳудудидан ҳам қўшимча кучлар жалб қилинишига сабаб бўлиши мумкин.