"Бу жуда кўп", деди у, Россия қуруқликдаги кучларининг 80% дан ортиғи ўз ҳаракатларида «ботиб қолган»  ва чарчоқ ҳис қилмоқда.
Унинг сўзларига кўра, учрашувдаги асосий мавзу АҚШнинг Киевни кейинги уч-олти ҳафта ичида қўллаб-қувватлаш бўйича кейинги чоралари бўлди.
"Украиналиклар жанубга бормоқчи, у ерда бир неча операция ўтказмоқчи. Ва биз уларнинг муваффақиятга эришишини истаймиз, - аниқлаштирди Слоткин. - Улар ҳақиқатан ҳам қиш бошланишидан олдин русларни бошига бир неча марта уришни хоҳлашади."
Конгресс аъзоси демократлар ҳам, республикачилар ҳам Украина қуролли кучларини 280 километргача бўлган масофадаги нишонларга зарба бера оладиган ATACMS сериясидаги узоқ масофали бошқариладиган тактик баллистик ракеталар билан таъминлаш ғоясини қўллаб-қувватлашини билдирди. Улар илгари Киев томонидан ҳужум доираси 78 километрдан ошмайдиган мавжуд HIMARS қурилмаларига қўшимча равишда сўралган.
Шу билан бирга, ўтган ҳафта АҚШ Президентининг миллий хавфсизлик бўйича маслаҳатчиси Джейк Салливан Вашингтон Украина ҳарбийларига ATACMS ракеталарини етказиб беришни режалаштирмаётганини айтди, чунки улар Россия ҳудудларига зарба бериш учун ишлатилиши мумкин, бу эса ҳарбий можаронинг янада кучайишига олиб келади.
Аввалроқ Вакиллар палатасининг Қуролли кучлар қўмитаси раҳбари Адам Смит Киев расмийларига АҚШ украиналиклар учун мавжуд бўлган HIMARS тизимлари сонини 12 донадан 25-30 донага оширишини айтган эди.
Украина Мудофаа вазирлигининг маълумотларига кўра, уларга мамлакат мудофааси учун камида 50 та HIMARS ва М270 ракета тизимлари, ҳужум учун эса 100 та ракета тизимлари керак.