Украина армияси бўлинмалари аллақачон Северодонецк ҳудудининг 50 фоизини назорат остига олди, босқинчиларни қарши ҳужум доирасида аввал эгаллаб олган позицияларидан ортга ташлади. Бу ҳақида Луганск ОВА раҳбари Сергей Гайдай баёнотига асосланиб, ахборот агентликлари хабар бермоқда.
Гайдай бутун мамлакат бўйлаб ўтказилган телемарафонда жонли эфирда, якшанба куни эрталабдан бошлаб Украина Қуролли кучлари Северодонецк устидан назоратни кенгайтирганини ва ҳозир шаҳарнинг тўлиқ ярмини ўз қўлларида ушлаб турганини айтди. Гайдай ўзининг telegram-каналида эфирдан бир парча эълон қилди.
"Руслар ҳақиқатан ҳам Северодонецкнинг 70 фоизини назорат қилишди, аммо икки кун ичида улар сиқиб чиқарилди, шаҳар роппа-роса ярмидан бўлинди", деди у.
Унинг сўзларига кўра, Украина Қуролли Кучларининг шаҳар жанглари ва қарши ҳужумлари пайтида Россия армияси "жуда катта" шахсий таркибини йўқотди. Саккиз нафар рус аскари асирга олингани ҳақида хабар берилган.
Украина армиясининг Северодонецкдаги муваффақиятларига сўнгги 24 соат ичида эришилди, бу аслида Россия пропагандасининг шаҳарни тўлиқ босиб олиш ҳақидаги баёнотларини рад этди. Аввалроқ бу ҳақида фронтдаги вазият ҳақида ишончли маълумотга эга бўлмаган Чеченистон раҳбари Қодиров айтган эди.