Бу ҳақида Николаев вилоят Давлат маъмурияти раҳбари Виталий Ким Телеграмда айтиб ўтди.
"Мавжуд видеоларда 800 та техника [босқинчиларники] ёқиб юборилганини кўриш мумкин, лекин аслида қанча эканлигини эртага кўрамиз. Лекин жуда кўп техника йўқ қилинди", — деди у.
Днипропетровск вилоят Кенгаши раҳбари Николай Лукашукнинг айтишича, тушдан кейин Баштанкадан Кривой Рог томон ҳаракатланаётган ва 800 га яқин ғилдиракли техника воситаларидан иборат бўлган рус ҳарбийлари колоннаси ҳақида маълумот олган.
"Бизнинг ҳимоячиларимиз тезкорлик билан ҳаракат қилишди ва душманга ҳатто Днепропетровск вилояти ҳудудига кириш имкониятини қолдиришмади. Колоннага ҳаводан ҳужум қилинди, босқинчилар яхшигина тазирини еди. Агар яна минтақа чегарасини ёриб ўтишга ҳаракат қилсалар, бундан ҳам баттарига дуч келишади", - деб ёзади у.
Николаев вилоят Давлат маъмурияти раҳбари босқинчилар битта вертолётни уриб туширганини айтди — икки учувчи тирик, улардан бири касалхонага эвакуация қилинган. Кимнинг сўзларига кўра, йўқотишлар бор, лекин улар босқинчи мамлакат учун анча жиддийроқ. Хусусан, Баштанкада тинч аҳоли икки рус ҳарбийини асир олиб, иккита БТРни олиб қўйди.
"Одамларимиз техниканинг йўлини тўсди. Улар яланғоч қўллари билан тўхтатдилар! Баштанка ва Снегиревкада тинч аҳоли рус ҳарбийларини қўлга олди ва қуролсизлантирди. Орклар улардан отда ва пиёда қочиб, техникаларини ташлаб, ёқиб юборишди. Барча аҳоли пунктлари бизнинг назоратимиз остида!" – дея таъкидлади Ким.
2 март - Россиянинг Украинага кенг кўламли босқинининг еттинчи куни. Оддий украинлар ва Украина Қуролли кучлари ўзларини ҳимоя қилишда давом этмоқда, Украина шаҳарларини ўққа тутиш тўхтагани йўқ. Шу билан бирга, халқаро қўллаб-қувватлаш ўсиб бормоқда - Ғарб давлатлари Россияга қарши санкцияларни тобора кучайтирмоқда. Тарихда биринчи марта Европа Иттифоқи Украинага жанговар самолётлар етказиб беради.