Бугун эрталаб мен Вашингтонда миллий хавфсизлик бўйича жамоам ва дала қўмондонларим билан учрашдим. Биз кеча кечқурун АҚШ қуролли кучлари томонидан Афғонистондаги Ишид-К террорчилик гуруҳига қарши берилган зарбани муҳокама қилдик. Мен Кобулдаги қўшинларимиз ва бегуноҳ тинч аҳолига қилинган ҳужум учун масъул гуруҳ ортидан боришимизни айтдим ва буни амалга оширдик.
Бу зарба охиргиси эмас. Биз бу даҳшатли ҳужумда иштирок этган ҳар бир кишини кузатиб борамиз ва уларни жавоб беришга мажбур қиламиз. Кимдир Қўшма Штатларга зарар етказишга ёки қўшинларимизга ҳужум қилишга уринса, жавоб қайтарамиз. Бу ҳеч қачон шубҳа уйғотмайди. Мен генерал Маcкензига ушбу миссияга раҳбарлик қилгани ва Афғонистондаги қўшинларимиз хавфсизлигига содиқлиги учун миннатдорчилик билдирдим.
Жойлардаги вазият ўта хавфли бўлиб турибди ва аэропортга террорчилик ҳужумлари хавфи юқорилигича қолмоқда. Қўмондонларимиз менга яқин 24-36 соатда ҳужум эҳтимоли борлигини маълум қилишди. Мен уларга кучларни ҳимоя қилишда устуворликни аниқлаш учун барча чораларни кўришни маслаҳат бердим ва уларни жойларда эркакларимиз ва аёлларимизни ҳимоя қилиш бўйича барча ваколатларга, ресурсларга ва режаларга эга эканлигини ишонтириб айтдим. Улар менга шундай эканлигини, миссияни якунлаш ва ходимларимизни хавфсиз олиб чиқиб кетишда бу чораларни қўллашини ишонтириб айтишди.
Кобулдаги хавфли вазиятга қарамай, тинч аҳолини эвакуация қилишда давом этамиз. Кеча яна 6800 кишини, жумладан, юзлаб америкаликларни олиб чиқдик. Бугун эса ҳарбийларимиз кетгандан кейин Афғонистонни тарк этишда одамларга ёрдам бериш учун олиб борилаётган тайёргарликни муҳокама қилдик.
Биз йўқотган 13 ҳарбий хизматчи бизнинг энг юқори идеалларимизга хизмат қилиб ва бошқалар ҳаётини қутқарган ҳолда ўз жонини қурбон қилган қаҳрамонлар эди. Уларнинг жасорати ва фидойилиги ҳозиргача хавф остида бўлган 117000 дан ортиқ одамни хавфсизликка эришишга имкон берди. Бу таҳликали кунларда қўшинларимизни ва барча турган посбонларимизни Худо ўз паноҳида асрасин.
Одатда, кейинги бир неча соат ичида террористик ҳужумлар ёки урушлар ҳақида бундай огоҳлантириш хабарлари фитна назариётчиларининг устуворлиги ҳисобланади. Бироқ бу ҳолатда хабар Кобулдаги АҚШ ҳарбийларининг фикрига таянган ҳолда Оқ уй веб-сайтига жойлаштирилган. Афтидан, яқин 24-36 соат ичида Афғонистонда бир нарса албатта содир бўлади.
Ҳужум Афғонистонда эмас, АҚШнинг элчихоналари ёки уларнинг ҳарбий базалари мавжуд бўлган бошқа баъзи бир мамлакатда бўлиши мумкин. Эҳтимол, АҚШ ҳудудида диверсиялар ҳам ўзи истисно эмас. Кўрсатилган ўттиз олти соат бошланди, шундай экан, воқеалар ривожини кузатиб борамиз.