Янги ҳолатлар 85 та минтақанинг барчасида қайд этилди. Энг кўп ҳолат Москвада (6271 киши, бир кун олдинги кўрсаткичдан 156 та кам), Санкт-Петербург (1944), Подмосковье (812), Нижегород (412), Карелия (358), Архангельск (343) ва Свердловск (333) вилоятлари, Красноярск ўлкаси (328), Ростов (315) ва Воронеж (308) вилоятида, энг кам ҳолат – Ненецк автоном округи (саккиз киши) ва Чукоткада (икки киши) қайд этилди.
Икки кундан бери янги ҳолатлар сони 22 мингдан ошмоқда – бир кун олдин уларнинг сони 22 702 кишини ташкил қилганди (шу вақтга қадар максимал кўрсаткич). Бир суткалик ўсиш суръати 1,2% даражада қолмоқда. Эпидемия бошланганидан бери касалланганлар умумий сони 1 925 825 кишига етди.
Шу давр мобайнида 33186 киши вафот этди, 1439985 киши тузалди.
ЖССТнинг сўнгги маълумотларига кўра, бутун дунёда касалланганлар сони 53 млн кишини ташкил қилади, шудан 1,3 млн киши вафот этди. Энг кўп касаллик АҚШда қайд этилган - 10,4 млн киши, кейинги ўринларни Ҳиндистон ва Бразилия эгаллаган. Биринчи ўнталикка шунингдек, Россия, Франция, Испания, Буюк Британия, Аргентина, Колумбия ва Италия ҳам киради.