Путин” фильми учун берган интервьюсидаги баёноти ҳақидаги саволга жавоб берар экан, деб маълум қилди президентнинг матбуот котиби Дмитрий Песков.
Фильмда Владимир Путин СССР республикалари мамлакат таркибидан чиқиб кетиш ҳуқуқига эга бўлгани, аммо бунинг тартиби аниқ белгиланмаганини эслади. Натижада республикалар Иттифоққа қўшилгандан кейин тарихан Россияга тегишли бўлган қўшимча ҳудудларни олдилар. Иттифоқ таркибидан чиқишда эса уларни ўзлари билан олиб кетишди. Путин бу вазиятни "Россия халқининг совғалари" деб атади.
Песковнинг таъкидлашича, президент Конституцияга киритилган янги тузатишлар СССР асосий қонунидаги хатоларни такрорламаслик учун ишлаб чиқилган.
"У илгари Конституцияда юзага келган, бир қатор вазиятларни, давлатимиз учун салбий оқибатларга олиб келмайдиган воқеалар ривожини, тизимли хатоларни назарда тутган", - дея тушунтирди Кремль вакили.
Песков ушбу масалани ҳал қилиш учун мамлакатнинг ҳудудий яхлитлиги ва унинг ҳудудларини бегоналаштиришни тақиқлаш тўғрисида тузатиш киритилганини таъкидлади. Москва томонидан қўшни давлатларга бирон бир ҳудудий даъво ҳақида гап бормайди. Тўлиқ изоҳлар учун у ўзгартиришлар муаллифларига мурожаат қилишни таклиф қилди.
Конституцияга тузатишларни ишлаб чиқиш бўйича ишчи гуруҳнинг ҳамраиси, сенатор Андрей Клишас олдинроқ, Конституцияга Россиянинг ҳудудий яхлитлиги тўғрисидаги ўзгартиш ва унинг ҳудудларини бегоналаштиришни тақиқлаш Қрим масаласини охирига етказишини айтганди. Ярим оролнинг Украинага ўтказилиши билан боғлиқ ҳар қандай қонунчилик ташаббуслари Конституцияга зид келади.
Ушбу тузатиш ташаббускори актёр Владимир Машков эди. Унинг сўзларига кўра, мамлакат бўйлаб саёҳатлар пайтида у чегарадош минтақалар аҳолисидан уларнинг ҳудудлари бошқа давлатларга берилиши мумкинлиги ҳақида шикоятларини тез-тез эшитган. Гап хусусан, Курил ороллари, Қрим ва Калининград вилояти ҳақида боради. Владимир Путин Конституция қўшни давлатлар билан чегараларни аниқлаштириш масаласига дахл қилмаслиги шарти билан мос келувчи ўзгартириш киритишга рози бўлди.