Тадқиқотчилар Индонезияда ёши тахминан 43900 йилга тенг бўлган қадимий ов тасвирини топдилар. Унда ов саҳнаси акс эттирилган: буқалар қуролланган одамларга қараб югуряпти. Айрим одамларда эса ҳайвонларга хос жиҳатлар акс этган. Бу эса ушбу саҳнанинг муаллиф томонидан қисман бўлса-да ўйлаб топилганини англатиши мумкин – шунда бизнинг олдимизда қадимий санъат асари гавдаланган бўлади. Ҳисобот Nature журналида чоп этилди.
2017 йил индонезиялик археолог ва спелеолог Пак Ҳамрулла (Pak Hamrullah) Сулавеси оролида тадқиқ этилган ўнлаб ғорлардан бирининг оҳактошли деворида яширин бир йўлни топганди. Кичик ўтиш йўлаги катта бир грот билан тугаб, унинг деворида тахминан 4,5 метр энликда сарғиш тусдаги бўёқ билан чизилган ғайриодатий расм топилди. Олимлар томонидан авваллари топилган қояга чизилган расмларнинг аксариятидан фарқли равишда, бу расмда тўлақонли жанрли саҳна тасвирланган.
|
Мақола жойлаштирилган бўлим:
Янгиликлар
|
