«Шират Моше» яҳудий институти раҳбари раввин Элияху Малининг айтишича, Исроил ва Хамас ўртасидаги ҳозирги уруш диний амрларга, жумладан, фаластинлик болаларни ўлдиришга бўйсуниши керак.
«Амрлар учун урушнинг, бу ҳолда Ғазодаги урушниг асосий қонуни: «Бирорта ҳам жон тирик қолмайди». Агар сен уларни ўлдирмасанг, улар сени ўлдиради. Бугунги террорчилар – олдинги операцияларнинг болалари. Аёллар эса террорчиларни дунёга келтиради. Ёки сиз, ёки улар»
Элияху Малининг таъкидлашича, ёшда ҳеч қандай фарқ йўқ, чунки бугунги кунда ўсмирлар ҳам, эркаклар ҳам яҳудийларга қарши қурол тутишмоқда ва келажак авлодлар ҳам шундай қилади.
Раввиннинг қўшимча қилишича, гап Ғазодаги тинч аҳоли ҳақида кетяпти, чунки у ерда «95 дан 98 фоизгача аҳоли бизнинг йўқ қилинишимизни истайди». Раввиндан болалар билан нима қилиш кераклиги сўралганда, у шундай жавоб берди:
«Худди шу ишни. Таврот билан ҳазиллашиб бўлмайди. Бугун у бола, эртага жангчи. Бу ерда ҳеч қандай савол йўқ. Бугунги террорчилар аввалги операция пайти 8 ёшли болалар эди».