Рус православ черковининг ислом дунёси билан динлараро муносабатларини узоқ муддатли ривожлантириш ва мустаҳкамлашга қўшган катта шахсий ҳиссаси учун: патриарх Кирилл Россия Федерацияси мусулмонлар диний идораси раҳбари Равил Айнуддин томонидан I даражали "ал-Фахр" ордени билан мукофотланди.
2023 йил 7 декабрда Россия Динлараро Кенгашининг (МСР) йиғилишида Россия Федерацияси мусулмонлари диний идораси раиси, муфтий шайх Равил Гайнутдин Рус православ черкови раҳбари, Москва ва бутуь Русь патриархи Кириллни Россия мусулмонларининг олий мукофоти – 1-даражали "ал-Фахр" фахрий ордени билан тақдирлади, деб хабар беради Россия Федерацияси Мусулмонлар диний идораси.
"Россия Федерацияси мусулмонлари диний идораси Президиуми азиз биродаримиз, Москва ва Бутун Русь патриархи Ҳазрати Кириллни Россия Динлараро Кенгашининг 25 йиллиги муносабати билан ва Ватанимиз халқларининг бирлиги ва ҳамжиҳатлиги йўлидаги кўп йиллик меҳнатлари учун Россия мусулмонларининг олий мукофоти – 1-даражали "ал-Фахр" ордени билан мукофотлашга қарор қилди", — деди Россия мусулмонлари диний етакчиси.
Муфтий Гайнутдин имзолаган фармонга кўра, мукофот "Рус православ черкови ва Ислом дунёси ўртасидаги динлараро муносабатларни узоқ муддатли ривожлантириш ва мустаҳкамлашга, Россияда миллатлараро ва динлараро тинчлик ва тотувлик учун тинимсиз ғамхўрлик қилишга қўшган катта шахсий ҳиссаси учун, шунингдек, Россия динлараро Кенгаши ташкил етилганининг 25 йиллиги муносабати билан" топширилди.