Ғазо секторида давом этаётган зўравонликлар чоғида 75 нафар фаластинлик журналист ва оммавий ахборот воситалари ходимлари ҳалок бўлди, яна 80 нафари яраланди, икки нафари бедарак йўқолди, дейилади Фаластин Журналистлари Иттифоқи томонидан чоршанба куни эълон қилинган ҳисоботда.
Иттифоқ маълумотларига кўра, босқинчилар 60 нафар журналистнинг уйига ва 63 та ОАВ идорасига зарба берган, 25 та маҳаллий радиостанция (Ғазо секторида 24 та ва Ғарбий Соҳилда битта) ишини тўхтатган.
Ҳисоботда қайд этилишича, босқинчи кучлар 43 нафар журналистни (41 нафари Ғарбий соҳилда ва 2 нафари Ғазо секторида) ҳибсга олган.
30 нафар журналист ҳибсда қолмоқда, уларнинг аксарияти айбловсиз ва судсиз "маъмурий қамоққа" олинган.