Собиқ роҳиба, диншунос Карен Армстронг шундай дейди: «сионист бўлган ғарблик масийҳийлар, салибчилар қолдирган меросларига дохилдир; улар радикал бўлиб динланган ва динлари классик салибчиликка қайтганлардандир».
- Сионистлар... Zionism...
Сионист: «бу ном Қуддуснинг жанубидаги Сион тоғига нисбатан номланган, яҳудийлар уни улуғлаб-муқаддас кўради». (Муҳаммад ал-Ҳамд, «Росаил фил адён вал фироқ вал мазаҳиб», 94)
Сионистлар тарихи яҳудийларнинг тарихига дохилдир, аниқроғи бир қисмидир, улар қадимда йиқилиб ўрнидан қайта турмоқчи бўлганларнинг издошларидир, тарихий ва сиёсий ўтмиши бўлган тоифаларга бориб тақалади, аниқроғи Бобилга сургун бўлишига сабабчи бўлган Маккабийлар назарда тутилмоқда. Табиий, бундан кейин бундай уруниш кўрсатган бир неча босқичлар ўтди, ҳали у вақтларда насоролар ҳам, мусулмолар ҳам йўқ эди, лекин улардан кейин яҳудийларнинг тикланиш ҳаракати тўхтамаган эди; уларнинг энг биринчи бурчи, деб билган мақсадлари: яҳудийларни Фаластинга - яъни Муқаддас ерга қайтариш, Сулаймон ибодатхонасини қайта қурмоқ ва буюк Исроил давлатига асос солиш.
- Муқаддас ер ҳудудини босиб олиш ҳадафи: «Муқаддас ер улар учун Тавротга кўра: шарқ тарафда Фиротгача, ғарбда Оқ Денгизгача, жанубда Нил ва Сино ярим ороллари, шимол тарафда Ливан ерлари ва Туркиядаги Терас-Дера ерлари».
Тавротга кўра Муқаддас ерда улар учун энг азиз нуқта: Фаластин ҳудуди, ундаги Қуддус шаҳри, Қуддусдаги ибодатхона, у ердаги муқаддас хона-меҳроб, муқаддас хонадаги сандиқ-тобут турадиган ўрин-тош, унинг устидаги Аҳд сандиғи-тобути турадиган ердир.
Аммо, бугун замонамиздаги сионистларнинг ҳаракати 1806-мил. й. Напалеоннинг чақирув даъватига қатнашган яҳудийлар тарафидан қўзғалган, яъни яҳудийларни озодлиги учун ёрдам бериши борасида гап юритилган. Кейинчалик бу шакилланиш ўз тўрини узмаган ҳолда бир неча ўлкаларда жин чироғини ёқиб келган, токи Теодор Ҳерзлгача концепция боғлаб келган, у Австрялик яҳудийлардан эди, чуқур бир диндор бўлсамасада, лекин ёзувчи ва юрист эди, унинг китоблари ва чақирувларидаги ҳадафи очиқ эди; бутун оламга яҳудийлар етакчилик қилиши керак, деб билар эди ва буни аста секин босқичма-босқич етишиш ғоясини кўтариб чиққан.
1897 й. «Бутун жаҳон сионистлар мажлисида» муваффақиятли бўлгани учун қадамларини дадил ташлади, чунки дунёдаги кўп йирик яҳудийларни ҳамда олимларини тўплашга эришган эди, хусусан даҳоларини ҳам бу ишга кўндирган эди, улар тарихда энг хатарли қарорларни олган яҳудий олимлари эди. Ўзгартирилган китоблари ва ёлғон тарихларидаги манбалардан олинган яҳудийларнинг жоду манбаси XIX аср охирларида ёзилган «Сион ҳукамоларининг протоколи», деб номланган китобдир, уни ўқиган оқил киши яҳудийларнинг мақсадлари ва режалари, бугунги кундаги ноҳақ зулмларини ким ва нима сабаб юритаётганини дарров пайқайди, табиий китобни тўлиқ таржима қилиб келтириш бу ерга сиғмайди, лекин китобдаги мавзулар-мазмунлари келган бошқа бўлимлардан хулоса қилишингиз мумкин. Рус тилига илк бор 1903 й. эски рус тилида Сергей Нилус ўгирган, 1905 й. нашр қилинган, китоб қуйидаги бўлимлардан иборат:

•    Сиёсатдаги ўрнатилган тартибни бузишга қодир бўлган барча ғояларни авж олдириб тарғиб қилиш: жумладан дарвинизм, марксизм, кумиризм-шахсиятга берилиш, либерализм, социализм, коммунизм, анархизм ва чўкиш-утопизмни ҳам.
•    Материализм.
•    Дунё ҳукмронлиги.
•    Жаҳон урушлари.
•    Фожиали-фалокатли ишларни пайдо қилиш ва бу ҳаракатларини юксак маънавий мотивлар билан қўллаб қувватлаган ҳолда ҳар бир халқ ўзига қарши қаратиши.
•    Барчага оммавий сайлов ҳуқуқини бериш.
•    Одамларнинг озодлигини душманни енгиш номи билан қисқартириш.
•    Ҳақиқатларни, ноҳақликларни яшириш учун матбуот эркинлиги, сўз эркинлиги, демократия ва инсон ҳуқуқлари тўғрисида таассуротлар пайдо қилиш.
•    Диққатни чалғитиш учун техналогияларни кўргазма қилиш.
•    Уятсиз-порнографик материлларини ёйиш.
•    Насронийлик ва бошқа динларни ҳамда маданиятларини парчалаб, кейин атеизмга кўчиб ўтиш, кейин яҳудийларга бош бошқарувни бериш-гегемония.
•    Мийяни ювиш (тўғри маълумотлардан тозалаш) услуб-йўллари.
•    Иқтисодий тушкунлик-депрессия.
•    Давлатлардаги иқтисодий тизимни ташқи қарзлар орқали бузиш, миллий банклар очиб одамларни қарзга ботириш, банкрот, кризис.
•    Пул бозорларини бузиш ва давлат номидан кредитлар бериб одамларни тўрга илиш-боғлаш.
•    Қадимги зулматдаги-ваҳшийликни қайта тиклаш ва янги бузилган жамиятни кутиш.
•    Ҳашаматли, қимматбаҳо маҳсулотларни ишлаб чиқаришни қисқартириш, йирик тадбиркорларни йўқ қилиш ортидан манополия.
•    Ароқ, нашаларни енгилроқ тақиқлаш (токи одамлар кўпроқ интилсин, деб).
•    Эркинлик тамойиллари номидан суний зўравонларни чиқариш.
•    Буларнинг ҳаммасини яҳудийларнинг подшоси йўқ қилиб қайта эзгуликни тикалайди; мана шу уни қутқарувчи бўлишига сабаб бўлади, яъни     Месси.
•    Подшоҳ ўз меросхўрларини ташқи қадриятларга суянмаган ҳолда тарбия қилишга қодирдир.

Табиийки бу китобни сионистларга нисбатан туҳмат, деб тан олишни хоҳлашмайди, бугунгача ўзларини оқлаш учун турли ёлғон эртаклар тўқиб келинади, чунки бу қарорлар махфий эди, лекин руслар тарафидан тарқалиб кетган. Демак, яҳудийларнинг даҳолари; у вақтдан кейин бугун очиқ маълум бўлган натижалардаги ҳадафларини - диққат билан, усталик ва яширин йўллар билан амалга оширган ва бунда давом этмоқдалар. Одамларни мана шу мақсадларига етишиш учун тоатларига мутлақ дохил қилмоқчилар, лекин биз - мусулмонлар уларга ҳаргиз итоат қилмаслигимиз ва инкор қилишимиз лозим: «Кофир ва мунофиқларга итоат қилманг! Уларнинг озорларини тек-қўйинг ва Аллоҳга таваккал қилинг, Аллоҳ етарли вакилдир».
•    Евангелистлар...
Бу оқим Насронийлардаги жуда мутаассиб оқим бўлиб Инжилни ёйиш даъвосидаги миссионерлар, улар кейинги протестантлар ичидаги бир шўбадир. Эванж сўзи: юнончада хушхабар демак. Бу истилоҳни улар инжилни ёйиш учун истеъмол қилади.
Протестанлар ғарбдаги инжил ва ақл даъвоси билан канисаларга протест-эътироз билдириб чиққан фирқадир; ўзларининг китобига хилоф бўлган ва одамларга тўғри келмаган масалаларда қарши чиққанлардир. Улар яна инжилийлар - евангелистлар, деб номланган, чунки улар инжилга эргашганлар эди, гарчи уларнинг замонида у китоб илгари ўзгартирилган бўлса ҳам. Уларнинг эътиқодига кўра ҳар бир киши инжилни ўқишга ва тушунишга қодир ҳамда барча бундай ҳуқуққа эгадир, масъулдир. Протестантлар Мартин Лютернинг издошларидир, у Олмонияда ХVХ аср бошларида чиққан, унинг даъвоси канисаларни ислоҳ қилиш ва улар олган қора номлардан, бузуқликлардан тозалаш эди.
Ушбу оқим муҳим масалаларни бу йўлда ижро этди:

1.    Гуноҳларни кечириш учун масъул бўлган папалар ёлғончи дажжоллардир. Балки хато ва гуноҳлар надомат ва тавба билан ювилади.
2.    Инжилни ўқиш канисалардаги ходимлар учун вақф қилинмаган ёки тушуниш ҳам, балки ҳар бир киши уни ўқиш ва тушуниш ҳаққига эгадир.
3.    Канисалардаги расм ва суратлар, тимсоллар ҳаромдир, уларни у ердан чиқариб ташлаш, йўқ қилиш лозим. Чунки булар васанийликка ўхшаб қолишдир.
4.    Раҳбонийликни ман қилиш.
5.    Кечки таомланиш: ҳочда турган Масиҳнинг синовини эслатиб туради, деган даъвони ва нон билан шароб Исонинг қони ва гўштига айланади ёки ҳаққидир, деган даъвони ҳам инкор қилиш.
6.    Канисада барча эргашадиган бош раис бўлиши мумкин эмас.

Мана шу даъволар ва бошқа ислоҳатларни динда ўзлаштирган оқим Олмонияда вужудга келган, кейин Британия ва кўпгина Оврупа ўлкаларида тарқалган, жумладан шимолий Америка тарафларида ҳам.
Яҳудийлар қувғин ва сургун вақтларида Оврупага кўчиб келиши билан уларнинг таъсири бўлмаган, дейиш воқеъликни тушунмаслик ёки инкор қилишдир холос. Испания ва Голландиядан ҳижрат қилган яҳудийлар оврупалик насронийларга фикрий таъсир ўтказа бошлади, хусусан ислоҳ қилиш ҳаракатида юрганлардан, айниқса яҳудийлардаги «яҳудийлар Аллоҳнинг танлаган халқи», «афзал қилинган уммат», «муборак ернинг меросхўрлари», деган эътиқодлари ва китоблардаги далиллари насронийларга таъсир қилган.
Мартин Лютер 1523 й. «Исо яҳудий бўлиб туғулган», деб китоб ёзиши ҳам мана шу таъсирланишнинг натижаси эди. Кейичалик ислоҳатчи қаторида яҳудийлардаги ёлғонларни инкор қилиб 1544 й. яна бошқа китоб ёзди.
Оврупада католик кучлари енгилиши ва Голландияда ҳукумати 1609 йилларда протестанлар олиб келган асосларга кўра тикланиш юз берди. Мана шу христиан сионистлар ҳаракатининг бошланиши эди. Қолаверса бу ишлар яҳудийлар истаган молиявий жамғармалар, канисалар, сиёсий ҳизб-гуруҳлар вужудга келишига ҳамда яҳудийлар Оврупада ўрнашиши билан Фаластинда қавмий ватан қурулиш фикрини тасдиқланишига ҳам.
Ушбу ҳаракатларнинг энг кўзга кўринганларидан: Пуритан ҳаракати эди, у Калвинистик тамойилларига асос солинган, инглиз сиёсатчиси Оливер Кроммел бошчилигида 1649-1659 йилларда юритилган; у ўз ҳукуматини «Исроилни ота-боболарининг юртига қайтариш» шарафини ўз зиммасига олишга чақирди, яъни даъво қилди.
Англияда «Лондон жамияти» ташкил этилди, унда; Христианлар орасида иудаизм-яҳудийликни тарғиб қилиш бўлган. Ва шу аснода унинг юқори раҳбарларидан бири бўлган Шантсберилик Лорд Рарелл Энтони Эшли Купер 1801-1885 й. машъум ботил шиорни илгари сурган: «Ватансиз халқ учун халқсиз ватан», гўё Фаластинда бирор халқ яшамай бўш қолган-у, у ер яҳудийларни кутиб тургандай, қаранг! Британиянинг Қуддусдаги биринчи вице-консули Вилям Баринг, унинг издошларидан бири бўлган, Британия ташқи ишлар вазири 1784-1765 й. лорд Палмерстон ўша насроний сионистик мактаб ғояларига энг катта хайрихоҳлардан бири саналади. Чарлз Ҳ.Черчиллнинг катта бобоси Винстон Черчилл (Британиянинг собиқ Бош вазири эди) уларнинг катта тарафдорларидан бири бўлган.
Христиан-сионизми католикнинг таъқиблари натижасида ўз тарафдорларининг дастлабки миграциялари орқали Америкага кўчиб ўтди ва у ерда бир нечта черковлар ташкил этишган бўлди, улардан энг машҳури Мормон черкови. Маълум маълумотга кўра Ситсерон Шлофлид 1843 й. Америкадаги христиан-сионизмининг теологик отаси ҳисобланади. Бу черковлар яҳудийларнинг Фаластинни босиб олишларида муҳим рол ўйнаган. Ва яна шу мақсадда ташкил этилган кўплаб қўмиталар, ташкилотлар ва партиялар орқали Америка ҳукумати уларни доимий қўллаб-қувватлаган, жуда оз ҳолатда қўлламаган, десак - жуда кўп ҳолатда мадад берган, деб тушунмоқ лозим:
-    Улардан энг кўзга кўринганлари: «Америка Фаластинни қўллаб-қувватловчи федерацияси», у 1930 й. руҳоний Чарлз Рассел томонидан асос солинган. Ва «Фаластин Америка Қўмитаси», Сенатор Роберт Вейдер томонидан 1932 й. асос солинган ва унга ўзларидан бўлган 68 та сенат аъзоси кирган ва 200 нафар киши Вакиллар Палатасига ҳам. Шундай илон каби ўрнашиб олган бир қатор евангелист руҳонийлар ва бу ташкилотлар Фаластинга қарши шиорлар билан овоза қилдилар: «Ваъда қилинган Ер ва танланган одамлар»миш!
-    Замонавий даврда англо-сакслар, «оқ-протестантлар», деб номланувчи қирқ миллионга яқин тарафдорлари бўлган диспенсатсион-секта; ҳозирги даврда сионизмни қўллаб-қувватловчи ва Америка сиёсатига таъсир кўрсатадиган энг экстремал секталардан бири ҳисобланади.
-    Уларнинг энг машҳур илоҳиётшунослари орасида: Билл Грем, Жерри Фолвелл, Жимми Свиггарт ва АҚШнинг собиқ президентларидан бўлган Роналд Рейган энг таниқли сиёсатчиларидан бири эди, яна Д.Трамп ҳам. Протестант черковлари ХVШ-ХХ асрлардан бошлаб Оврупа ва Америкада Инжилни тарқатиш билан шуғулланиб келади. Кейин уларнинг даъват-ишлари ташкилот ва миссиялар шаклида ривожланди ва уни тартибга солувчи қоидалар ва қонунлар дастурли равишда жорий қилинди, шунингдек, зарур бюджетлар ва чорасиз ҳамкорлар йўлга қўйилди.
Қолаверса протестант миссионерлик Африка ва Осиё қитъаларида ҳам фаолият олиб борди, айниқса протестант эътиқодидаги Ғарб давлатлари томонидан мустамлака қилинган мамлакатлар деярли кўчди, десак янглиш бўлмайди.
Миссионерлик ҳаракатига биринчи бўлиб раҳбарлик қилганлар орасида: Жов Весли, Вилям Вилберфорс ва замонавий даврдаги миссионерларнинг отаси Вилям Керри бўлади.

- Хулоса:
Уларнинг сионистлар билан ҳадафларда иттифоқлиги маълум бўлди: «ер юзида катта уруш қўзғатишни мақсад қиладилар, бунинг учун улар яҳудийликдан фойдаланиб, гўёки улар учун «Исроил давлати» қурулишида ёрдам бергандай, аслида улар билан мусулмонлар ўртасида уриш чиқариш учун ҳийлакор мақсадлари яширинган. Чунки уларнинг эътиқодига кўра Исо осмонга кўтарилган ва у ер юзида катта уруш бўлса қайта ерга тушади ва улар учун кучли бир давлат қуради, қора кучларга-ёмон одамларга қарши жанг қилади ва Антихрист-Дажжол билан урушиб уни ўлдирадилар...миш!
Шунинг учун евангелистлар Исо ерга тезроқ қайтиши учун сионистлар билан иш бирликда бўлади, бу эса «қиёматни тезлаштириш программаси», дейилади, Аллоҳ таоло бу ҳақида ҳам хабар бериб айтади: «У Зотга ижобат қилингандан кейин Аллоҳ ҳақида ҳужжатлашадиганлар; уларнинг ҳужжати ўзларининг Раббиси наздида ботилдир, уларга ғазаб ва улар учун қаттиқ азоб бор. Ҳақ билан Китобни ҳамда мезонни нозил қилган Аллоҳдир. Нима билдирди-ки?! Эҳтимол (қиёмат) соати яқиндир; унга иймон келтирмайдиганлар уни «шоштирадилар», унга иймон келтирганлар ундан мушфиқлар-қўрқувчидирлар. Танбеҳ: Соат ҳақида хусумат қиладиганлар, аниқки йироқ залолатдадир, албатта».(Шўро: 16-18)
Чунки евангелистлар билади-ки: яҳудийлардаги эътиқод: «Тангри Муқаддас ерни уларга ваъда қилган» экан, демак У ваъда қилинган ерларни уларга қайтариб беради ва уларга ҳам дастак берилса у ер учун курашади, деб биладилар. Бу эса евангелистларнинг эътиқодини кучайтирадики, демак; «модомики Муқаддас ерни қайтарар экан, бу иш У нозил бўлиши билан бўлади», деб тушунчаларини ёнма-ён қўйиб бирлашишга киришадилар. Лекин Тангри келиши учун Муқаддас ерга эгалик қилишнинг ўзи кифоя эмас, балки, у ерга ибодатхона қурулиши ва муқаддас Харсангтош, деб билган ўринларига Аҳд сандиғини-тобутини топиб ўрнатишлари шарт қилинар экан! Токи уларнинг эътиқодларига кўра: «Тангри танлаган бандалари ва суюкли фарзандлари билан бирга у Ерда давлат қуриб яшашлари учун», Аллоҳга туҳмат қилишдан тинмайди бу кофирлар: «Аллоҳга қандай ёлғон тўқишларига қаранг!».(Нисо: 50)
«Аллоҳга ёлғон тўқиган ёки Унинг оятларини ёлғон, деган кимсадан золимроқ ким бор?! - аниқки золимлар нажот топмас».(Анъом: 103) «Илмсизлик билан одамларни адаштириш учун Аллоҳга ёлғон тўқийдиган кимсадан золимроқ ким бор?! - аниқки Аллоҳ золим бўлган қавмларни ҳидоят қилмас».(Анъом: 144) «..., лекин куфр келтирганлар Аллоҳга ёлғон тўқийдилар ва уларнинг аксари ақл юритмайдилар».(Моида: 103) Ваҳолангки аҳли китоблардан Аллоҳ номига фақат ҳақни сўзлаш борасида аҳд-ваъда олинган эди: «Бас, улардан кейин Китобни (Тавротни) мерос қилиб олган бир ёмон ўрин босарлар келди. Улар мана бу тубаннинг (дунёнинг) таклифини (матоҳини) олади ва: «биз кейин кечириламиз», дейдилар. Агарда уларга унга ўхшаш таклиф-матоҳ келса, уни (ҳам) оладилар. Улардан: Аллоҳга ҳақдан бошқасини айтманглар, деб - Китоб (Таврот) аҳди олинмаганмиди?! Ва улар ундаги нарсаларни дарс қилишган эди! Охират диёри тақво қилганлар учун яхшироқдир. Ақл юргизмайсизларми?!». (Аъроф: 169)
- Бу ерда икки тоифанинг айрим мувофиқ бўлган ўринларини ва билин-маган тескари эътиқодларни фарқлаб олишимиз лозим:
•    Сионистлар: улар учун Ҳезокиал китобига кўра каҳонатлари рўёбга чиқиши учун Қуддусда Ибодатхона иншо этилиши лозим. Чунки эътиқодларига кўра кутилган Масиҳ Исо ҳануз келмаган, яъни келажакда келади ва Қуддусга Қутқарувчи бўлиб келиб Шоҳ бўлади, тахтига ўрнашади ва давлатни бошқаради. Нақадар «самимий орзу», шундай эмасми?!
•    Евангелистлар: Ҳезакиал китобига кўра улар ҳам ушбу ибодатхона Қуддусда қурулишини хоҳлайдилар. Лекин Тангри келиши учун «Учинчи ибодатхона қурулганидан кейин «уруш» сабаб яна бир бор уруш сабаб бузилади», сўнгра Тангри бундан ғазаб қилиб ўзи келади, яъни Исо алайҳиссалом. У келгандан кейин уруш олиб боради ва ғолиб бўлади ва абадий насронийлик бўлади. Бу манфур ҳийла билан сионистларни қўллаш-ку, шундай эмасми?! Яъни яҳудий-сионистлар Учинчи ибодатхонани қургач евангелистлар ё ўзлари ёки мусулмонлар орқали ибодатхонани бузиш учун урушга ўт ёқадилар, кейин эса еванглистлар мақсади амалга ошади гўё! Яъни Исо келиб улар тарафда туриб қолганларга қарши уруш қилиб ғолиб бўлади!
- Нақадар манфур тушунчалар... нақадар ёмон гумонлар: «Ана ўша куфр келтирганларнинг гумонидир, куфр келтирганлар учун ўтдан вайл бор».(Сод: 27) «Уларнинг аксари фақатгина гумонга эргашади, аниқки гумон ҳақиқатдан бирор нарсани кетказаолмайди, аниқки Аллоҳ улар қилаётган нарсалари билан (уларни) билгувчидир».(Юнус: 36) Аллоҳ таоло улар васфлаган тушунчалардан покдир ва Унинг пайғамбарлари
ҳам бундай манфур режаларга кўра келишидан покдир, балки Аллоҳ таоло Ўзи хоҳлаганини қилгувчидир, Унинг тақдири ҳикмат ва адолатни
кўрсатади, албатта. Буни фақатгина оқиллар ва мўминлар англайди, Аллоҳ таоло кофирлар ва мўминларни васфлаб Муҳаммад сурасида шундай дейди: «Куфр келтирганлар ва Аллоҳнинг йўлидан тўсганларнинг амаллари энг залолатдадир. Иймон келтирган ва яхшиликларга амал қилганлар ҳамда Муҳаммадга нозил қилинган нарсага иймон келтирганлар - ҳолбуки у ўзларининг Раббисидан бўлган ҳақдир -уларнинг ёмонликларини улардан беркитди (уялтирмади) ва уларнинг ишини тузатди. Бу (натижага) - куфр келтирганлар ботилга эргашганлари ва иймон келтирганлар ўзларининг Раббисидан бўлган ҳаққа эргашганлари (сабаб бўлган). Аллоҳ одамларга ўзларининг мисолларини шундай зарбул масал қилади».(Муҳаммад: 1-3)
Шуни билинг-ки: Сионизим аслида евангелистлар дастури бўлган, ҳатто сионист асосчиси, деб танилган Теодор Ҳерзл ҳам кучли яҳудий диндорларидан бўлмаган, у бу ғояни жонлантиргунча ҳуқуқ факултетини битиргач фалсафа ва қизиқчиликка қизиққан ва ёзувчилик қилган эди, динда фундаментал идеолог бўлиб ёки сиёсат жабҳасида томир отиб улғаймаган эди. Шунинг учун сионист яҳудийлар «Эски Аҳд», деб келган китобларни қабул қилмайди, балки евангилистлар қабул қиладиган «Янги Аҳд» китобларини қабул қиладилар, унда инжилизмга оид мафкура, ақоид ва тушунчалар силлиққина киритилган бўлиб, буни яҳудийларнинг бошқа тоифалари ҳам тан олиб айтадилар, ҳатто кўпчилиги сионизмни инкор ҳам қиладилар, уларнинг равинлари-олимлари буни очиқ айтади: «сионизм яҳудийликдан эмас», деб - ва шунинг учун у мағлуб бўлишга маҳкумдир! Яна Ариел Шарон ва Нетаняху кабилар ҳам худога ишончи йўқ кишилар, улар яҳудийлик ғамида эмас, балки сиёсатлашган сионизм пешволаридир, Муқаддас ерни ҳам ишғол билан эгаллаш жоиз эмас, балки буни евангелистлар-сионистлар хоҳлашмоқда, яҳудийлар эмас, деб айтадилар.
Аммо, евангелистлар сионистларни ўз мақсадларига восита ўлароқ қўлланар экан бугунги даражага келишини билмаган эди, яъни уларга давлат қурулиб ёки яҳудийлар оёққа туриб кетишини... чунки яҳудийлар-ни Фаластинга ҳайдашдан мақсад Оврупа ва Россия ерларидан чиқариб юбориб уларни мусулмонлар билан уруштириш эди холос, балки уларни тез фурсатда улар орқали: Муқаддас ерни эгаллаб, Тангри учун шаҳар ва ибодатхонани қурдириб олиш ва бунга қарши бўладиган «қора куч - мусулмон»ларга қарши курашсак бизга ёрдами тегиб Исо тезроқ қайтиб келади ва ўз давлатини қуриб бизни улардан қутқаради, деган мақсадлари бор эди. Уруштириш режаларини кўп маротаба амалга оширишди ва уддалашмоқда, лекин бузуқ хаёлларига эришолмайдилар, чунки ерда жаннат йўқ, чунки Ҳақ ҳақиқатни ғолиб қилади.
Яқин тарих: «aljazira.net» 07.12.2018 йилда қуйидаги тарихий маълумотларни ушбу сарлавҳада берган: «Америка евангелистлари... Улар араб ва мусулмонлардан нима хоҳлаяпти?» - дея ҳавола қилди:
Америка Евангелистлар делегацияси Саудия Арабистонига ташриф буюриб, валиаҳд шаҳзода Муҳаммад бин Салмон билан учрашиб, зиёрат фурсатида мақсадлари ҳақида саволларини кўндаланг қилди, айниқса саудиялик журналист Жамол Қошиқчининг ўлдирилиши бўйича халқаро муносабатлар ўртасида норозичилик ҳақида бўлиб ўтди.
Баъзилар наздида, бу насроний делегацияси Саудия Арабистони билан ўртасидаги тўсиқларни очиш ва у ерда насронийларга ерлашмоғи учун алоқа қилиш борасида гап юритиб фурсатдан фойдаланган.
Бошқалар наздида бу зиёрат ўз мазмуни ва мақсадидан янада хавфлироқ эди.
Ўтган йилнинг 1 ноябрида бўлиб ўтган ташрифдан бир неча кун ўтгач, Евангелистлар делегация раҳбари Жоел Росенберг ташрифининг мазмуни ҳақида гапириш учун чиқди, аммо унинг нутқи Исроил оммавий ахборот воситаларига қаратилди. Маълум бўлдики гап бошқа ерда, гўё шубҳали конверт ичида бошқа масалани яширар эди!
Бу зиёратчи евангелистлар кимлар ўзи? Ва улар нима хоҳлайди?
-    Евангелистлар: Америкада...
«Евангелист» сўзи «Инжилийлар» атамасининг умумий арабча таржима-си бўлиб, АҚШда анъанавий тақлид қилувчи умумий протестантлардан бир қатор эътиқодлари билан ажралиб турадиган барча протестант насроний тоифалар тушинилади. Энг ажратиб турадиган иймонлари «иккинчи туғулиш» ёки «руҳнинг туғулиши» деган эътиқоддир. Ва улар АҚШ аҳолисининг тўртдан бир қисмини ташкил қилади, деб ишонишади.
Евангелистлар тарихи Америка мустамлакалар гуруҳи бўлган ХVШ асрга бориб тақалади, лекин бу секта кўплаб ўзгаришларни бошидан кечирди, токи у бугунги кунда ўзининг сиёсий фаолияти ва кўплаб издошлари-ни «Масиҳ аҳдлашуви» сафига жалб қилиш билан машҳур бўлди. Ҳамда исроил ва сионист ҳаракатлари билан фикрий ва сиёсий мувофиқлиги билан.
Бу ҳақида изланувчилар баъзан «Евангелик» таржимаси билан унга ўхшаш «Евангелист» сўзида ихтилоф қиладилар, иккиси ҳам луғавий маънода Инжил-Библия сўзининг аслидан олинган. Лекин, биринчиси Америкада ўзига хос хусусий маънога эгадир. Аммо, «Евангелист» эса насронийликни ҳадаф қилиб Инжил хабарларини тарқатувчи масийҳийларга хосроқ номдир.
АҚШда евангелистлар адади ҳақида аниқ рўйхат-ҳисобат йўқ, бунга сабаб улар ўзлари учун олган номларнинг хилма-хиллиги ва тоифалари ва черковларининг кўплиги билан боғлиқ бўлиши мумкин, лекин нима бўлганда ҳам улар мамлакатдаги энг катта христиан жамоатини ташкил қилади, улардан кейин католиклар туради, кейин евангелист бўлмаган анъанавий протестантлар.
-    Уларнинг назарида «Исроил давлати ва Д.Трамп» етакчи:
Кўплаб евангелистлар: Масиҳ ерга қайта нозил бўлиб минг йиллик бахт-саодат давом этадиган Худолик салтанатини ўрнатади, деб ишонади ҳамда «Исроил» охирзамон воқеаларини тезлаштиргувчи омил эканига ишонади. Шунинг учун уни қўллаб-қувватлаш лозим бўлган Америка сиёсатининг доимий-собит турадиган омилларидан бири бўлган. Бу ҳақида Др. Муҳаммад Ориф Заккауллоҳ «Америкада дин ва сиёсат» китобида очиқ ёзган.
-    Евангелист етакчилари - Саудия Арабистонига яқинда бўлган зиёратнинг орқа фонини кўриш учун евангелистларнинг Америка сиёсатидаги ролини тушуниш ҳам мумкин.
-    Баъзи ҳисоботларга кўра Д.Трамп президентлик сайловида оқ танли евангелистларнинг 81% овозини қўлга киритган экан.
Ушбу натижалар шуни кўрсатадики, Д.Трампнинг шахсияти масийҳийликни билдирадиган жуда ишларга тескари бўлишига қарамай, собиқ А.Қ.Ш президенти Кичик Бушдан овоз йиғишда анча ўзиб кетди, ваҳо-лангки унда ҳам «иккинчи туғилиш» эътиқоди бор эди, қолаверса Трамп уч марта турмуш қурган ва унинг тунги клублари бор, бу ҳам кўплаб христиан қадриятларига зид келади, албатта.
Ёзувчи Мишел Голдберг 2017 й. январ ойида «New York Taims» газетасида «Трамп динсиз» у «христиан аҳдлашуви-ҳуқуқи учун троян отидир», деб ёзган эди, бу билан у Америка сиёсатини мутлақ назорат қил-моқчи бўлган фактларга ишора қилган.
Аслида бу «насроний аҳдлашуви-ҳуқуқининг» кўплаб ички ташвишлари бор, лекин ташқи сиёсат нуқтаи назаридан, Трамп - Исроилни қўллаб-қувватлашни, араб ва ислом жамиятлари ичида у ёки бу тарзда унга таҳ-дид солиши мумкин бўлган ҳар қандай ҳаракатга таҳдид қилиб, керак бўлса зарба бериб ундан нари қилишни лозим қилган фигурага айланади.
Шу нуқтаи назардан Муҳаммад ибн Салмоннинг зиёратчилари танлаган «Washington Post» саҳифаларида ўзларини аниқ васфда билдириш учун танлаган.
Газеталар «оқ-евангелист лидерларининг» бир қанча араб давлатларида дипломатик ҳаракатлар олиб бораётганига эътибор қаратди. Саудия валиаҳд шаҳзодаси билан учрашган айни ўша «делегация» 2017 йилнинг ноябр ойида, Қоҳирада - Миср президенти А.Сиси билан учрашган. Саудия Арабистонига сафар қилишдан олдинги ойда эса, делегация дастлаб Б.А.А.да тўрт кунлаб давлат раҳбарлари билан учрашаган. Бу иш уларни Бин Салмоннинг чақириғига лаббай, дейишларидан олдин, яъни Саудия Арабистонига чақиришдан олдин бўлди.
-    Бу сафарги делегация; Саудия Арабистони раҳбариятига нисбатан халқаро норозичиликни ҳам бир орада муҳокама қилишди, маълумки Саудия Арабистрнининг Истанбулдаги консуллигида журналист Жамол Қошиқчи ўлдирилиши бўйича халқаро шов-шувга сабаб бўлган эди.
-    Исроилнинг «Haartetz» газетаси эса ушбу ташриф фурсатида шундай ёзади: «Исроилнинг Саудия Арабистонинг валиаҳд шаҳзодасига бўлган ошиқлар уни қутқариш учун қўл чўзадилар».
-    «Washington Post шундай нашр қилади: «Исроил вазирлар раиси Бинёмин Нетаняху, Миср президенти Абдулфаттоҳ Сиси биргаликда Муҳаммад ибн Саломонни Қошиқчи масаласида Оқ Уйдан туриб қўллашларини айтадилар», деб ёзган.
• Евангелист делегация раиси Саудияга борди: араблар ва яҳудийлар алоқаси!
«Исроилликлар севган» - евангелист делегациясининг раҳбари, ёзувчи ва жамоатчилик билан алоқалар бўйича эксперт Жоел Розенберг бўлади, у икки томонлама Америка ва Исроил фуқаролигига эга шахс, илгари Қуддусда муҳожир бўлиб, кейин бир муддат Нетаняхуга маслаҳатчи бўлиб ишлаган.
Учрашувдан бир неча кун ўтгач, Росенберг, Исроил оммавий ахборот воситаларига Муҳаммад бин Салмон билан бўлган учрашув ҳақида маълум қилиш учун чиқди: «Саудия валиаҳд шаҳзодаси бу учрашувдан - Саудия Арабистонига қарши бўлган - Қошиқчининг кечирилмас масаласи сабабидан санкциялар жорий этишга интилаётган «Оқ Уй ва Конгресс» аъзоларига хабар етказиш учун учрашувдан фойдаланган ҳолда, қуйидагиларни баён қилди: Саудия халқининг ҳаётида ислоҳатлар олиб бориш ва ўзимизни душманлардан ҳимоя қилиш учун амалга оширилиши керак бўлган барча ислоҳотлардан мени ман қилиб бўлмайди... «Эрон», «Ихвонул муслимин», «ал- Қоида» ва «Исломий Давлат», - деди, айни Росенберг Исроилнинг 10 каналида мухбирга айтган гапларга мувофиқ гаплар.
Росенберг Саудия валиаҳд шаҳзодаси ҳам Исроил-Фаластин можароси ҳақида гапирганини, бироқ делегациядан суҳбатнинг бу қисмини жамоатчиликка етказмасликни сўранганини билдирди.
У, шунингдек Муҳаммад бин Салмон билан Саудия Арабистонида черковлар ташкил этиш ғоясини муҳокама қилган ва валиаҳд-шаҳзода унга ҳозир буни қила олмаслигини айтганини, чунки бу «ал- Қоидага» (ҳамла қилиши учун) совға-баҳона бўлиши ҳамда бу ҳақида: «Араб ярим оролида икки дин жамланмайди», деган набавий ҳадис бор. Лекин, валиаҳд шаҳзода ҳадисдаги «Арабистон ярим ороли» ҳақидаги ҳадисдан мурод фақатгина Макка ва Мадинани англатиши ҳам мумкин, яъни мамлакатнинг бошқа жойларида черковлар очилиши мумкинлигига ишора қилиб, кейинчалик мамлакатидаги диний уламоларга бу ҳақида кўрсатма беришини ваъда қилганини қўшимча қилиб ўтди.
- Мишел Бакман:
Саудия Арабистонига ташриф буюрган евангелист делегациянинг таниқли аъзолари орасида собиқ конгрессмен Мишел Бакман ҳам бор эди.
Бакман Америка сиёсатидаги таниқли евангелист ва Президент Трампнинг Евангелистчи маслаҳат кенгашининг аъзоси. У бир неча муддат АҚШ Конгресси Вакиллар палатасининг аъзоси бўлган ва Америка Қўшма Штатлари президентлиги учун ўз номзодини қўйишга уринган, лекин муваффақ бўлмаган эди. У охирги зиёратидан ташқари Бакман Миср президенти А.Сиси билан камида уч марта учрашган.
Бу учрашувларнинг биринчиси ва эҳтимол энг кўзга кўринганлари 2013 й. сентябр ойида, у Конгресснинг яна икки аъзоси билан Қоҳирага - ўша пайтдаги мудофаа вазири Сиси билан учрашиш учун келган (Мурсий президентлик вақтида), бу учрашув сайловда сайланган президент Му-ҳаммад Мурсийга қарши ҳарбий тўнтарилишдан ва кейин содир бўлган бунинг ортидан Мурсийга қарши ва инқилобга уланган «Рабиул Адавийя» қирғини.
Бу ташриф Американинг Мисрда давлат тўнтаришини қўллаб-қувватлаган биринчи зиёрати эди. Бакман учрашувдан сўнг ўтказилган матбуот анжуманида икки ҳамкасби билан бирга бўлди ва улар Сисийни олқишладилар ва Мурсийнинг ағдарилишини ва «Мусулмон биродарлар»нинг бостирилишини маъқулладилар, гўёки улар «катта хавф» туғдирадиган ва уларнинг «умумий муштарак душманидай».
Бакман 2017 й. ноябр ойида Сиси билан яна учрашдилар, бу сафар Трамп Қоҳирага бир нечта ҳужжатларни-файлларни муҳокама қилиш учун евангелист делегация таркибида юборган. Учинчи йиғилиш Ню-Йоркда бўлиб ўтди ва у ерда Сиси ўтган сентябр ойида БМТ бош ассамблеяси йиғилишлари доирасида евангелист лидерлар билан учрашди.
Бу узлуксиз мулоқот евангелистлар ўйнаган ролнинг муҳимлигини кўрсатади, чунки улар ўз ҳудудларида қарор қабул қилиш марказларини назорат қилиш ва бошқаришга интилишади, улар хорижда Исроилни қўллаб-қувватлаш ва урушда муҳим шерик бўлишига ишонадиган режимларни қўллаб-қувватлаб «Ислом экстремизмига» қарши кучайтириш учун фаол-дирлар. Айниқса Қошиқчининг ўлдирилиши ёки Мисрдаги ҳарбий тўнтарилишдан кейинги кунларини белгилашда диққатли бўлдилар.
- Американинг Фаластинга нисбатан сохта сиёсати:
АҚШдаги сўнги президентлик сайловларида Жо Байден бошчилигидаги Демократик партия Трампнинг Фаластин-Исроил можаросига доир сиёсатини ўта радикал деб ҳисоблаганини қаранг, мисол учун Д.Трамп Қуддусни «Исроил» пойтахти сифатида тан олиши: нотўғри, деб билишини маълум қилади. Айни пайтда 193 давлатдан 140 дан ортиқ давлат -БМТ аъзолари ва БМТнинг ўзи ҳам шарқий Қуддусни Исроил ишғоли остидаги Фаластин давлатининг пойтахти сифатида тан олади.
Ж.Байден ва унинг жиноий гуруҳи АҚШдаги Фаластин тарафдорларидан ва АҚШдаги араб/ислом жамоатларидан «қинғир йўл» билан овоз олиш учун шундай баёнотлар берган, айниқса Д. Трамп Қуддусни «Исроил» пойтахти, деб тан олганидан кейин фаластинликлар ғазабланган эди. Исроил ишғолига қарши бундай қарор билан тўқнаш келди, намойишлар жараёнида юздан ортиқ фаластинлик отиб ташланди. Бу эса Байденнинг овоз олишига қулай фурсат бўлди.
Жо Байден иқтидорга келгач; БМТдаги СУКЖА - агентлиги молиялаштиришни давом эттириши ҳақидаги ниятини эълон қилади, илгари эса бу ёрдам учун молиялаштириш Д.Трамп томонидан тўхтатилган эди. UNRWA инсонпарварлик ёрдами, Исроил томонидан уйларидан чиқариб юборилган фаластинлик қочқинлар учун мактаблар, болалар боғчалар ва касалхоналар қуруш билан шуғулланади. Бу орада Байден Фаластиннинг шарқий Қуддусда АҚШ дипломатик ваколатхонасини очишга ваъда берди. Гўё бу ҳудудни Фаластинга тегишли, деб билдирмоқчидай. Булар сайлов тугаб эшак лойдан ўтгунча қуруқ ваъдалар эди...
Куни кеча маълум бўлдики, АҚШ демократик партияси: шарқий Қуддусда АҚШ дипломатик ваколатхонасини очиш ҳақидаги қарорини «кечиктирган» ва СУКЖА молиявий ёрдам бериш қайта тикланган бўлса-да, АҚШ томонидан киритилган сармоя миқдори икки баробарга камайган. Демак, бу АҚШда ҳокимият алмашувидир холос; худди Америка демократияси каби вақтинчалик тушунча эканлигини яна бир бор билиб олдик. Ахборот ва эълонларда президентларнинг юзлари ўзгаради, лекин бу жоду мамлакатнинг ифлос, ёлғон ва қонли сиёсати ҳеч қандай тарзда ўзгармайди, магар Аллоҳ хоҳлагани.
Ҳа, эҳтимол АҚШда ички сиёсат президентлар алмашиши билан ўзгариши мумкин, аммо ташқи сиёсат Пентагон томонидан аниқ назорат қилинади ва алмаштирилаётган президентларнинг бунга ҳеч алоқаси йўқ. Ҳокимиятда, ҳатто демократ, ҳатто либерал, ҳатто республикачи, Америка империализми ва «Исроил» каби террорчи режимларни қўллаб-қувватлаш ҳар янги даврда айни шаклда давом этаверади.
- Ядро урушлари:
Кўпчилик одамларнинг 2022 йилгача «ядровий уруш», деган ўй-фикри йўқ эди. Магар бу маълумот давлат бошлиқлари, махфий хабарларга эга орган-аъзолари ва хос сиёсатчилар ва кузатувчилар наздида маълум эди холос. Бугунги жадид салибчилар юз йиллардан буён олиб бораётган шайтоний сиёсатларини бугун ҳам юритмоқдалар. Илк салиб юриши асносида бу ғояни тўққизта салибчи-аскар кўтариб чиққан, худди ўзларидан олдинги тарихда Солиҳ алайҳиссалом қавмидаги ўтган бузғинчилар каби: «тўққиз нафар ерда бузғинчилик қиладилар, ислоҳ қилмас эдилар»,(Намл: 48) уларнинг мақсади Қуддусда Сулаймон алайҳиссаломнинг ибодатхонасини қайта қуруш ва унинг остида яширилган Аҳд Сандиғини қазиб топиш эди, бу йўлда барча қурбонликларга рози ва тайёр эдилар.
Бугунга келиб ҳам айнан ушбу мавзу муҳим ва бугуннинг масалаларидан бўлиб, жуда эътиборлидир. Ҳаттоки, «Тарсус» қазима ишида; «Аҳд сан-диғи» топилди, деган шов-шув кўтарилди, айниқса баъзи Ўрта Шарқ ва Туркия хабарларида бонг урди. Натижа ҳаммани қизиқтирар эди, лекин аниқ бир очиқлама йўқ ҳануз... бўлса нима бўлар эдики?!
Бугунги кунга келиб бу тоифа «Масиҳ» даъвоси билан Қуддусда чанг-тўзон кўтармоқда, ишғолга кучим етар экан, деб зулмдан таб-тормаяпти, аниқроғи мазлум халқни оташга солмоқда, аланга эса таборо ортмоқда, бунинг ортидан уларнинг яна бир мақсади қиёматни тезлатиб; тезроқ улар кутган «Қутқарувчи - Месси» келишини хоҳлашмоқда. Мана шун-дай шайтоний ғоя ва режалар билан туғёнга кетмоқдалар... замондамиз-даги «евангелистлар» мана шу тоифадандир. Истаклари дунёда катта урушлар бошланса; яхшилар (яъни ўзлари) ва ёмонлар (яъни биз) ўртасида уруш чиқиб; натижада ортидан уларнинг худоси келиб уларни ёмон инсонлардан қутқариб қолса-ю, улар мана шундай мўъжизалар билан дунёга ўзлари тўғри йўлдалигини кўрсатиб қўйса!!! Орзулари ва осилган дорлари жуда баланд, шундоқ эмасми?!
Демак, кўриб турганингиздай - аслида бу диний урушлардир, ишончларидан келиб чиққан ҳолатдан қилаётган ердаги бузғунчиликларидир, худди тарихда ўтгандай! Маълумки тарихда ҳам католиклар проваслав-ларни енгиб ёки уларни даф қилгач ислом оламига тиғини қаратади, худди бугунги кунда ҳам пул-доллар ҳокимияти, уруш-қуроллар ҳокимияти учун шарқий оврупада Украина ва Руслар, аниқроғи НАТО ва руслар уруши билан - аввал чегараларини аниқлаб олиш учун ва ким-ким тарафида эканлигини аниқлаш учун; бундай кичик урушлар билан бошланиши тарих яна такрорга қайтганига шоҳид бўляпмиз, худди Хитой ва Тайван урушининг қўзғалиши ёки Юнонситон билан Туркия ўртасида уруш кутилишидан кейин катта урушлар режада турганини очиқлашлари каби. Россияда либерал ортадокс ва болшевик русларни босиб турган «ҳозирги» куч кетгандан кейин ядровий урушлар кутилиши каби. Буларнинг ортида АҚШ ва оврупадаги евангелистлар ва уларнинг махфий ташкилотлари турибди. АҚШнинг ўзида 130 миллион евангелист борлиги айтиб ўтиш - ушбу маълумт ҳақида тасаввуримизни янада очади.
«The Economist» журнали орқали мақсадли хабарларини ишора ўлароқ эълон қиладиган жодугарлар ҳам шуларнинг ўзидир; иқтисодий кризис, урушлар, касалликлар, очарчилик ва ҳоказо... ҳаммаси деярли суний лекин воқеъликда чиндан жорий бўлаётган ишлар! Бордию ҳақиқий содир бўлган тақдирдаги ҳодисалар содир бўлса; улар адаптация қилишга - мослашишга жуда ҳам устаси фаранг. Ҳатто-ки, қиёмат соатини белгилашга журъат қилганлар ҳам шулардир. Бу шўрпешоналарга қарата: «Сизлар унга шошилган мана бу азобингизни тотинглар»,(Зариёт: 14) десанг-да!
Урушда ядровий қуролни ишлатиш учун яҳудийлар билан мусулмонлар ўртасида қаттиқ уруш чиқариш режаси борлиги ҳақида баъзи сиёсатчилар аниқ очиқлама берганлар, яъни ҳозирги Исроилдаги сионистлар билан мусулмонлар ўртасида, ёки фақатгина араб мусулмонлари билан. Лекин бу урушни омматан очиқчасига қилиш ўзлари учун хатарлидир, чунки улар аниқ қўриқланган бўлмасалар барчаси жамланган ҳолда бизга қарши майдонда уруш қилишга эътиқодий тарафдан қодир эмаслар: «улар сизларга бирлашиб уруш қилмайдилар, илло қўрғонли қишлоқларда ёки деворлар ортидан...», қолаверса ислом оламига омматан уруш қилиш аҳмоқлик бўлгани учун, буни албатта ислом номидан чиқадиган тоифалар орқали амалга оширишлари мумкин, чунки уларни аввал террорда айблайди, негаки ўзлари шу кунгача террордан барчани қўрқитиб бўлган, шу орқали баъзи «ташкилотлар» олдида оқлангандай бўлишади! Ёки суний равишда террор гуруҳлар ясаб амалга оширади, ёки суннийлардан бўлмаган тоифалар билан келишиб уюштирадилар, мисол учун Эронга тегишли аскарий тоифалар билан. Чунки бу ўйинга бошқа мусулмонлар қўшилиб кетишидан қаттиқ қўрқадилар, шунинг учун ўзлари режа қилиб ўзлари бошқариши лозим.
Лекин, урушни баҳона қилиб ядро қуролларини ишлатишса ҳам улар кутган нарса бўлмайди, кутган Мессийлари пайдо бўлмайди, ёки осмондан уларнинг режаси билан тушмайди, магар бундан золим, деган номлари қолади, мазлумлар кўпаяди. Аллоҳ билгувчироқ.

Умар Шоҳирнинг
"ФAЛAСТИН ўтмиш ва келажак" китобидан