Нашрнинг сўзларига кўра, РПГ ва танкга қарши ракеталар, шунингдек Бразилияда ишлаб чиқарилган залп билан отадиган бир нечта ракеталари Россияга март ойида Москванинг Украинадаги муваффақиятсиз кампаниясидан сўнг Ироқдан юборилган.
Россиянинг С-300 русумига ўхшаш Эрон томонидан ишлаб чиқарилган Bavar 373 ракета тизими ҳам Теҳрон ҳокимияти томонидан Москвага совға қилинди. Қўшимча, эронликлар русларга С-300 комплексини қайтарган.
Қурол савдоси бўйича жиноий дунёдан фойдаланиш Россия стратегиясида кескин ўзгаришларга ишора қилади, чунки Москва Украина босқинидан келиб чиққан янги санксиялардан сўнг Суриядаги ҳарбий иттифоқчиси Эронга таянишга мажбур.
Йигирма йиллик урушдан сўнг Ироқ, айниқса, америка қуроллари билан тўлиб-тошган. Унинг катта қисми қонуний равишда Эрон томонидан қўллаб-қувватланган ва АҚШнинг мамлакатда бўлишига қарши бўлган, бироқ 2016 йилдан бошлаб ИИШД гуруҳига қарши кураш доирасида Ироқ қуролли кучлари таркибига расман киритилган шиа гуруҳлари қўлига ўтган.
Шиаларнинг энг кучли гуруҳи бўлмиш Ҳашд аш-Шаби қўлидаги РПГ ва танкга қарши ракеталар 26 март куни Саламжа чегара пункти орқали Эронга олиб кирилди. У ерда уларни Эрон ҳарбийлари қабул қилиб, кейин денгиз орқали Россияга етказиб беришди, деди етказиб беришни назорат қилувчи гуруҳ қўмондони.
Манбага кўра, 1 апрел куни Ҳашд аш-Шаби ҳам Ироқда Sajil -60нинг лицензияланган версияси сифатида танилган, Бразилияда ишлаб чиқарилган иккита Astros ИII ўзиюрар кўп учувчи ракета тизимини демонтаж қилиб, қисмларга бўлиб Эронга юборган.
"Оғир қуроллар қаерга кетаётгани бизга қизиқ эмас (чунки улар бизга керак емас - таҳр.). АҚШга қарши қаратилган ҳамма нарса бизни хурсанд қилади", - деди Ҳашд аш-Шабидаги суҳбатдошлардан бири.
Шундан сўнг Эроннинг Бендер-Анзели портидан учта юк кемаси – иккитаси Россия ва биттаси Эрон байроғи остида Каспий денгизини кесиб ўтиб, Астраханга етиб келди.
Ироқ ёки Эрондаги шиа жангариларининг совуққина ахлоқсизликлари ҳеч биримизни ҳайратда қолдирмайди. Аммо дунёнинг энг йирик қурол экспортчиларидан бири кеча Европанинг қоқ марказидаги уруши учун Яқин Шарқдан ракеталарни олиб ўтишга мажбур бўлганлиги бутунлай ақлдан озгандек туюларди.
Шиа жангарилари Украина билан уруш учун контрабанда йўли билан Россияга қурол етказиб бермоқда - The Guardian
Россия Ироқдан Украинадаги ҳарбий амалиётлар учун Эрон қурол контрабандаси тармоқлари ёрдамида ўқ-дорилар ва ҳарбий техника олади. The Guardian бу ҳақда Ироқдаги эронпараст жангарилар ва минтақавий разведка хизматлари маълумотларига таяниб ёзади.
|
Мақола жойлаштирилган бўлим:
Долзарб мавзу
|
Калит сўзлар
