Давлат раҳбарининг сўзларига кўра, Совет Конституциясида Лениннинг республикалар СССРдан ажралиб чиқиш ҳуқуқи ҳақидаги тезиси асос бўлганди. "Бу 1922 йилда Совет Иттифоқи барпо этилганида қўйилган «маъум вақтда портлайдиган мина» эди", - дея тушунтирди Путин. Унинг фикрича, Россия бундай нарсалардан қочиши керак.
Президент таъкидлаганидек, амалдаги Конституцияга ўзгартиришлар киритиш тўғрисидаги қарор мутлақо тўғри. "Улар бизнинг давлатчилигимизни мустаҳкамлайди ва келгуси ўн йилликлар давомида мамлакатимизнинг жадал ривожланиши учун шароит яратади", - дея хулоса қилди Путин.
Конституциясига ўзгартиришлар киритиш бўйича бутун Россия овоз беришлари бир ҳафта - 25 июндан1 июлгача давом этди. Сўнгги кун асосий овоз бериш куни деб белгиланди. Ҳар бир вилоят аҳолиси ҳар куни сайлов участкаларига келишлари мумкин эди, москваликлар ва Нижний Новгород аҳолиси эса онлайн режимда овоз бериш имкониятига эга эдилар. Овоз бериш жараёни 1 июль куни Москва вақти билан соат 21:00 да Калининград вилоятидаги сўнгги сайлов участкалари ёпилгандан кейин якунланди.
Марказий сайлов комиссиясининг маълумотларига кўра, сайловга келганлар 67,97% ташкил этган. Ҳисоб-китобларга кўра, 57,7 миллион россияликлар Конституцияга ўзгартиришлар киритилишини ёқлаб овоз беришган - бу сайловчилар сонининг 77,92 фоизи, 15,7 миллион киши - 21,27 фоизи қарши овоз беришган.
Россия Конституциясига ўзгаришлар 4 июль куни кучга кирди. Тегишли фармон президент томонидан имзоланди. Худди шу фармонга биноан, давлат раҳбари Асосий қонунни ўзгартирилган ҳолда ҳуқуқий ахборотнинг расмий Интернет-порталида эълон қилишга қарор қилди.
Фармонни имзолагандан сўнг, Путин ўзгаришлар "ҳеч қандай муболағасиз, халқнинг хоҳиши билан" киритилаётганини айтди. Шунингдек, Президент кенг кўламли қонунчилик ишини эълон қилди, чунки қонунчиликни янгиланган Конституция билан мослаштириш керак.
Зюганов Путиннинг СССР Конституцияси ҳақидаги сўзларига жавоб берди
Мустақилликка эришган кўплаб давлатлар улар иттифоқдан чиқиш ҳуқуқига эга бўлгандагина СССР таркибига қўшилишга тайёр эдилар. Бу ҳақда Коммунистик партия етакчиси Геннадий Зюганов маълум қилди, дея хабар беради “РИА Новости”.
Шундай қилиб, сиёсатчи 5 июль куни СССР Конституциясида ленинча тезисни республикаларни ажралиб чиқиш ҳуқуқи ҳақидаги "маълум вақтда портлайдиган мина" деб атаган Президент Владимир Путиннинг сўзларига муносабат билдирди.
Зюгановнинг таъкидлашича, дастлаб Ленин ва Сталин ягона ва бўлинмас давлатни тузишни ёқлаган. "Иттифоққа қандай шартларда қўшилиш тўғрисида музокаралар олиб бораётганда, мустақилликка эришганларнинг аксарияти унга ихтиёрий чиқиш ҳуқуқи мавжуд бўлган тақдирдагина киришга рози бўлишган", дея тушунтирди Коммунистик партия раҳбари.
Зюганов Ленин, Сталин ва Брежнев конституцияларини эслади, уларда давлатчилик шакллари: пролетариат диктатураси ва умумхалқ давлати кўзда тутилган эди. Шу билан бирга, сиёсатчи Конституциялар "агар улар халқ манфаатларини, уларнинг интилишларини акс эттирса ва давлатчиликни мустаҳкамласа" ҳаётий бўлишини таъкидлади.
Партия раҳбари СССРни сақлаб қолиш масаласини кўтарган 1991 йилги референдумни ҳам эслади. "Унга 78 фоиз овоз берилди - яқинда овоз берганлар сонига тенг (Конституцияга ўзгартириш киритиш учун - РБC)", деди Зюганов. Унинг таъкидлашича, Конституция қабул қилингандан кейин ўтмишни эсламаслик керак, унинг ижроси ҳақида ўйлаш керак.
Овоз бериш натижасида қабул қилинган конституциявий тузатишлар ҳақида гапирганда, Путин уларни Россия давлатчилигини мустаҳкамлашга ва мамлакатнинг ўнлаб йиллар давомида ривожланиши учун шарт-шароитлар яратишга чақирилганини айтди.
Конституцияга ўзгартиришлар киритиш бўйича овоз бериш 25 июнь куни бошланиб, 1 июлда якунланди. Унда сайловчиларнинг 67,97 фоизи иштирок этди. Сайловчиларнинг 77,92 фоизи мамлакатнинг Асосий Қонунига киритилган ўзгартиришларни маъқуллади, 21,27 фоизи қарши чиқди.
