Россиянинг жамоат жойларида ушбу ҳафта муҳим воқеа юз берди - энг машҳур кийим-кечак брендларидан бири бўлган Gloria Jeans ҳижоб модели билан ўз маҳсулотлари учун реклама эълон қилди. "Бизнинг мамлакатимиз кўп миллатли мамлакат ва компанияда ҳижобли қизнинг пайдо бўлиши билан биз ислом динига эътиқод қилувчиларга ҳурмат кўрсатишни, шунингдек, ҳамма учун кийим-кечак яратаётганимизни тушунтиришни хоҳладик", - деди компания асосчиси Владимир Мелников.

Янги Зеландия бош вазири Джасинда Ардерн Ислом аёллар кенгаши умуммиллий анжуманида иштирок этди, бунда у йиғилганлар олдида оч рангли ҳижобда сўзга чиқди ва «ассалому алайкум» деб мурожаат қилди. Крайстчерч масжидларида 15 март куни бўлиб ўтган терактлар бутун Янги Зеландиядан юзлаб мусулмонлар тўпланган форумда асосий мавзу бўлди.

Торонтонинг «Citynews» канали янгиликлар мухбири Гинелла Макка Канадада янгиликларни ҳижобда олиб борадиган биринчи қиз бўлди. «Мен ҳар доим эфир ёки оммавий ахборот воситалари соҳасида ишлашни хоҳлардим, бу менинг орзуим эди. Аммо мен ҳижобда бўлган қизнинг телевизорда кўрсатув олиб бора олишига чуқур шубҳа қилардим», – деди Гинелла интервьюда.

Эронда исломий ахлоқ қонун-қоидаларига оғишмай риоя қилиш учун курашадиган ташкилотлардан бири мусулмон аёлларнинг ҳижобда юриши муҳимлиги ҳақида ижтимоий реклама чиқарди. Аниме мультфильми услубида бажарилган видеороликда эътиборсизлик билан ташлаб олган рўмоли остида сочлари кўриниб турган ёш аёл заргарлик дўконига кириб, сотувчидан товар ҳақида сўрайди.

Москвада Al Arabia Fashion Days Араб модалар Куни иккинчи мавсуми очилиши бўлиб ўтди. Кўпчилик мода экспертларининг фикрига кўра, шарқона мода услуби унга хос бўлган аёлларнинг ёпиқ либослари билан бирга замонавий мода саноатида энг жадал ривожланаётган йўналишлардан бирига айланмоқда.

Бутун Рамазон ойини ҳижобда ўтказган малайзиялик рэп ижрочиси бўлган аёл "Ҳижоб 30" кампаниясида иштирок этиб, ўзини художўй мусулмон аёл сифатида синаб кўрди. Рамазон ойида қўшиқчи Зизи Кирана очиқ-сочиқ образини камтар мусулмон образига ўзгартирди ва рўмол ўраган ҳолдаги фотосуратларини обуначилари билан ўртоқлашди.

Буюк Британияда ҳижобли мусулмон аёл биринчи марта мэр лавозимига сайланди. Сомалида туғилиб ўсган Ракхия Исмоил шу ой аввалроқ бўлиб ўтган сайлов натижалари бўйича шаҳар кенгашининг бўлиб ўтган мажлисида Ислингтон мэри лавозимига тайинланди, деб хабар беради islamnews сайти islington media га ҳавола қилган ҳолда.

Австриянинг етакчи мусулмон ташкилоти мамлакатнинг бошланғич мактабларида ҳижобни тақиқлайдиган қонунни «шармандалиу» деб атади ва уни суд тартибида курашишга ваъда берди. Аввалроқ Австрия парламенти бошланғич мактаб ўқувчиларнинг мусулмонча бош кийими тақиқланган билль учун овоз берди.

Европада ултра-ўнг популистларнинг позициялари кучайиб бормоқда, антиисломизм эса, энди мусулмонларга қарши оддий сўзлар ёки ҳужумлар билан чегараланмасдан, балки қонунчилик соҳасида ҳам акс этмоқда. Шундай қилиб, 23-26 май Европа парламентига сайловлар арафасида Европа Иттифоқининг бир қатор мамлакатлари сиёсатчилари сайловчилар овози ортидан қувиб, Исломга қарши қонунларни қабул қилишга рухсат бермоқда.

АҚШда мусулмон аёл жазони ижро этиш департаменти устидан шикоят берди, чунки унга иш жойида – қамоқхонада ҳижобда юриш рад қилинди. 25 яшар Жаланда Кэлхун, Жоржия штатининг Роджерс давлат қамоқхонаси назоратчиси, яқинда Исломни қабул қилди ва ўз раҳбариятини рўмол ўраб юриши ва намоз ўқиш учун 10 дақиқалик танаффус олиши ҳақида огоҳлантирди.