"Covid-19 деярли бутун организм – жумладан, руҳиятга ҳам шикаст етказади. Тадқиқотчиларнинг аниқлашича, айрим мижозлар галлюцинациялар ва ақл-идрокнинг бузилишидан азият чекмоқда", - деб ёзади немис журнали Der Spiegel.

"Ижтимоий тармоқларда ниқоб тақиш хавфли бўлиши мумкинлиги ҳақида ёлғон ва баъзида хавотирли ахборот айланиб юрибди", - деб ёзади Le Figaro журналисти Солин Рой".

«Дунё иккита ўлат пандемияси, гриппнинг тўртта пандемияси ва коронавируснинг иккита тўсатдан авж олиши учун Хитойга «миннатдор» бўлиши керак», - деб ёзади Le Figaro журналисти Изабель Лассер.

Тожикистон президенти томонидан имзоланган қонунчиликка киритилган янги тузатишларга кўра, юқумли касалликларни тарқатганлик учун 2 йилдан 5 йилгаа озодликдан маҳрум этиш кўзда тутилган. Оғирроқ оқибатларга олиб келганлик учун жазо муддати 5-10 йилни ташкил қилади.

Туркистон вилоятига 5 миллионга яқин дори-дармон келди. Бу дорилар, ўз навбатида, аҳоли зич жойлашган ҳудудда дори-дармон танқислигини ижобий ҳал этишга ёрдам беради, деб хабар беради Kazinform мухбири. Пандемия билан курашиш учун вилоят бюджетидан маблағ ажратилган, Ўзбекистондан келтирилган навбатдаги партиянинг ичида аҳоли учун энг зарур турлари мавжуд.

Чимкент шаҳрида пневмонияга чалинган беморларнинг 80 фоизи тузалиб кетишди. Масалан, йил бошидан буён 12 595 кишига пневмония ташхиси қўйилган бўлса, уларнинг 10 263 нафари даволаниб чиқди. Бу ҳақда Чимкент шаҳар соғлиқни сақлаш бошқармаси бошлиғи вазифасини бажарувчи Тимирхан Варзилов маълум қилди, деб хабар беради Kazinform шаҳар ҳокимининг матбуот хизматига таяниб.

Коронавирус пандемияси даврида Хитой тинчлана олмади. Хитой элчихонаси Қозоғистонда янги пневмония пайдо бўлгани ҳақида огоҳлантирмоқда - қўшни мамлакат буни рад этди, аммо ўлим даражаси ўсиб бораётганга ўхшайди, деб ёзади немис газетаси Frankfurter Rundschau.

Аҳолининг тиббий ёрдамга ўсиб бораётган эҳтиёжларини таъминлаш мақсадида «Узавтосаноат» АЖ корхоналари томонидан «Volkswagen Caddy», «ISUZU D-Max» ва «Chevrolet Damas» автомобиллари негизида махсус жиҳозланган тез тиббий ёрдам машиналари тақдим этилди. Бу ҳақида «Узавтосаноат» матбуот хизмати хабар қилди.

Тожикистонда коронавирусдан суғуртанинг янги тури пайдо бўлди, дея хабар беради «Ховар» агентлиги «Точиксуғурта» давлат унитар корхонаси бош директорининг биринчи ўринбосари Абдулло Абдуллоевга таяниб. Унинг сўзларига кўра, коронавирусдан суғурта қилинган одамлар бор, аммо хайриятки, суғурта тўловини олганлар йўқ.

  Қозоғистонда пандемия бошлангандан буён қирққа яқин ҳомиладор аёллар коронавирус инфекциясидан вафот этди. Бу ҳақида маълум қилди мамлакат соғлиқни сақлаш вазирининг муовини Ажар Гиният бўлиб ўтган СЦК брифингида журналистларнинг саволига жавоб берар экан.