Facebook ва Twitter компаниялари ўз ижтимоий тармоқларидан Эрон ҳукумати манфаатларини илгари суриш бўйича яширин кампания олиб борган аккаунтларни ўчириб ташлади. Facebook киберхавфсизлик масалалари бўйича раҳбари Натаниэл Глейчернинг хабар беришича, умумий ҳисобда бир қатор мамлакатларда Эрон манфаатларини илгари суриш учун ташкил қилинган 780 дан ортиқ аккаунт, саҳифа гуруҳ блок қилинди.

Эрон парламенти қошидаги тадқиқотлар маркази мамлакатда фоҳишаликнинг тарқалиши муаммосига бағишланган маърузани эълон қилди. Ҳужжатда қайд этилишича, охирги йилларда фоҳишалик билан шуғулланаётган шахсларнинг ёши анча ёшарган. Агар 1970-йилларда енгил табиатли аёлларнинг ўртача ёши 30 ёшни ташкил қилган бўлса, ҳозирда 15 яшар қизлар «тунги капалаклар»га айланмоқда.

Эрон президенти Ҳасан Рухоний мамлакатда интернетга уланишнинг чекланишини ҳақидаги қарорни танқид қилиб чиқди. «Кўплаб ижтимоий тармоқлар ва сайтларга уланишни чегаралаб, биз хатога йўл қўйдик. Биз Аллоҳдан ваколатлар олганмиз ва ердаги одамлар ҳақида фармойишлар чиқара олишимиз мумкин деб ўйлаймиз», - деди Рухоний Эрон Алоқа ва ахборот технологиялари вазири Муҳаммад Жавод Азерий Жехромий ва маҳкама ходимлари билан Теҳронда бўлиб ўтган учрашувда.

АҚШ Миллий хавфсизлик кенгаши (МХК) 2018 йил Пентагонга Эрон ҳудудида ҳарбий операция ўтказиш имкониятини кўриб чиқиш илтимоси билан мурожаат қилди, деб ёзади The Wall Street Journal ўз манбаларига ишора қилган ҳолда. МХК Бағдоддаги АҚШ элчихонаси жойлашган ҳудуд миномет орқали ўққа тутилгандан кейин Мудофаа вазирлигига сўров юборди.

Россия ва Эрон Каспий денгизида қўшма ҳарбий-денгиз ўқув машғулотларига тайёрланмоқда, деб хабар беради Mehr агентлиги Эрон ҳарбий денгиз флоти контр-адмирали Хуссайн Ханзадийнинг сўзларига ҳавола қилган ҳолда. Маневрлар давомида ҳарбийлар тактик ҳаракатларни амалга оширади, турли офатлардан зарар кўрганларга ёрдам бериш ва қароқчиларга қаршилик кўрсатиш бўйича машқларни бажаради.

АҚШ давлат котиби Майк Помпео Яқин Шарқ мамлакатлари бўйлаб ўз хизмат сафарини Вашингтоннинг Эронга қарши глобал коалиция тузиш бўйича ҳаракатлари бир қисми деб атади, дея хабар беради CNBC телеканали. Унинг сўзларига кўра, Эронга қарши коалицияга АҚШ ва Исроилдан ташқари, Эрон давлатини «ўз фаолиятини тўхтатиши лозим бўлган терроризмнинг дунёдаги энг катта ҳомийси» деб ҳисоблайдиган Европа, Осиё ва Форс кўрфази мамлакатлари ҳам киради.

Эрон пойтахти Теҳрон ҳар йили 25 сантиметрдан чўкиб бормоқа. Бу ҳақида Nature журналида чоп этилган эронлик олимлар мақоласида гапирилади. 2013-2017 йилларда сунъий йўлдошдан олинган суратларни ўрганиб, эронлик олимлар  Теҳроннинг айрим марказий туманлари ва шимолий-ғарбий томондаги ерлар йилига 25 сантиметрга чўкмоқда деган хулосага келди.

 Эроннинг Яқин Шарқда бўлиб ўтаётган сиёсий ва иқтисодий жараёнларга таъсири Исроил ва Саудия Арабистони тимсолида АҚШ ва унинг иттифоқчиларини ўзини йўқотиб қўйишга олиб келмоқда. Бу жаҳлни чиқарадиган омилни бартараф қилиш учун ўзини демократия ва инсон ҳуқуқлари муҳофазачиси сифатида кўрсатадиган мамлакат президенти унинг мамлакати улар учун умумий душман бўлган Эронга қарши дўстлашиши зарур эканлиги сабабли қотиллар билан алоқани узмаслиги ҳақида ҳаммага жар солди.

Эрон армияси Афғонистон билан умумий чегараларни қўриқлаш учун жавобгарликни ўз зиммасига олди, деб баёнот берди Эрон Қуролли кучлари штаб бошлиғи генерал-майор Муҳаммад Хуссайн Бакерий. Бакерий бу ҳақида душанба куни, қуруқликдаги қўшинлар қўмондонлари иштирокидаги анжумана атди, хабар беради IRNA.

Кўпчилик Эрон ислом динига эътиқод қилинадиган, аёллар эса камроқ ҳуқуққа эга бўлган қаттиққўл мусулмон мамлакат эканлигига кўникиб қолган. Эрон 1979 йилгача дунёвий давлат бўлган. Ўша пайт аёллар ва қизлар бемалол мини ва чўмилиш кийими кийиб юрганини, таълим олганини ва умуман, мамлакат ғарб йўналишида ривожланишни танлаганини ғарбпарстлар қандайдир завқу-шавқ билан гапирадилар...