Россия Федерацияси президенти Владимир Путиннинг Саудия Арабистонига амалга оширадиган ташрифига тайёргарлик давом этмоқда, бироқ ташрифнинг айнан қачон бўлиб ўтиши ҳозирча номаълум, дея хабар беради давлат раҳбарининг матбуот котиби Дмитрий Песков. «Ташриф муддати бўйича ҳозирча аниқлик йўқ, дипломатик каналлар бўйича аниқ бир тўхтамга келишимиз билан сизга хабар берамиз.

Саудия Арабистони ҳукумати мухолиф журналист Жамол Хашукджи айнан қандай ўлдирлигани ва айни пайтда унинг танаси қаерда эканлигини билмайди. Бу ҳақида Fox News телеканали учун интервьюда қироллик ташқи ишлар вазири Адел ал-Жубайр хабар берди. Унинг сўзларига қараганда, журналистнинг ўлимига олиб келган жанжал тасодифан рўй берган, уни ўлдириб қўйган шахслар ўз хизмат ваколатлари доирасидан чиқиб кетган, холос.

Саудия ҳукумати The Washington Post журналисти Жамол Хашукджининг ўлимида валиаҳд Муҳаммад бин Салмоннинг маслаҳатчиси ва Саудия разведкаси ходими – генерал Аҳмад Ассирийни айблаш ниятида, дея хабар беради The New York Times ўз манбаларига ҳавола қилган ҳолда.

Мамлакат раҳбарияти диссидент журналист Жамол Хашукджини ўғирлаб кетиши ёки ўлдиришга рухсат берганлигини инкор қилиб турган бир пайтда Исроил Саудия Арабистонини қўллаб-қувватламоқда, хабар беради New Arab. «Исроил Жамол Хашукджи ҳақида Туркия бераётган маълумотларга ишонмайди ва Саудия Арабистони гапираётган гапларга кўпроқ ишонади», - деди Исроли хавфсизлик кучларидаги номи ошкор қилинмаган манба.

Саудия Арабистони қирол оиласида валиаҳд шаҳзода Муҳаммад бин Салмон Сауд ўрнига бошқа ворис қидиришмоқда. Журналист Жамол Хашукджининг ғойиб бўлиши туфайли ар-Риёдга кўрсатилаётган босимнинг кучайиши бундай қадамга сабаб бўлиши мумкин, дея Париждаги дипломатик манбага ҳавола қилган ҳолда хабар беради Le Figaro газетаси.

Яқин вақтларда Саудия Арабистони ҳудудида Россия ҳарбий базаси пайдо бўлиши мумкин. Бу ҳақида Al Arabiya панараб телеканали хабар беради. Қайд этилишича, россиялик ҳарбийларни жойлаштириш АҚШ саудиялик мухолиф журналист Жамол Хашукджининг Истанбулда ўлдирилиши сабабли ваъда қилган санкциялари жорий қиладиган бўлса,  Саудия Арабистони қироллигининг жавоб чораларидан бири бўлиши мумкин.