15 июл куни Миср пойтахтида бошланган мусобақада Аҳмад ал-Сайид шанба куни рақибини 15:12 ҳисобида мағлуб этди.
Интернетда эълон қилинган видеоларда мисрлик қиличбоз ўз ҳамкасби билан истар-истамас қўл бериб кўришгани, лекин ғалабасини нишонлаётган пайтда унинг кўзига қарамагани акс этган.
Мисрлик қиличбознинг ғалабасидан сўнг фаоллар ижтимоий тармоқлар орқали араб спортчиси исроилликка қарши беллашишни танлаганидан ҳафсаласи пир бўлди.
Исроил ва Миср дипломатик алоқаларни давом эттирса-да, Фаластинлик ва Фаластин тарафдорлари фаоллар Исроилни маданий бойкот қилишга чақирмоқда.
Иордания каби Исроил билан муносабатларни нормаллаштирган мамлакатларнинг кўплаб спортчилари исроиллик ҳамкасблари билан рақобат қилишдан бош тортдилар.
Баъзи ижтимоий тармоқ фойдаланувчилари исроиллик спортчи билан рақобат нормаллашувга ҳисса қўшишини айтишди.
Аҳмад исмли бир фойдаланувчи: "Ҳурматни бир четга йиғиштириб қўймасдан айтаманки, бу ғалаба эмас. Бу... нормаллашув учун ўйин", деган бўлса, бошқа бир фойдаланувчи ўйиндан воз кечиш "мисрликларнинг қалбини янада хурсанд қилган бўларди" деган.
Мисрнинг ғалабасидан кейин бундай ҳис-туйғулар ҳукмронлиги ажабланарли. Агар у мағлубиятга учраганида нима бўлишини тасаввур қилишингиз мумкин.
2016 йилда Рио-де-Жанейрода бўлиб ўтган Ёзги Олимпиада ўйинлари вақтида дзюдочи Ислом ал-Шаҳаби жангидан сўнг исроиллик Ор Сассонга таъзим қилишдан бош тортди ва Халқаро Олимпия қўмитаси (ХОҚ) унга танбеҳ бериб, уйига жўнатишини талаб қилди.
Яна бир мисрлик дзюдочи Рамадан Дарвиш ҳам худди шу Олимпиада вақтида исроиллик спортчи билан қўл бериб кўришишдан бош тортган эди.
Шунингдек, ўша йили Миср футбол ассоcиацияси Исроилга қарши ўртоқлик ўйини учун сўровни рад этган.