Винисиуссиз ҳам ажойиб ўйнашди.
Барса» яна бир бор «Реал»га совға берди ва «Атлетико»га имкониятни бой берди. Анчелотти жамоаси бу каби вазиятлардан доим ҳам фойдаланмаган, аммо бугун «Севилья»ни таъсирли тарзда мағлуб этиб, ўзини тиклади.
Ўйин бошланишидан аввал ҳар икки жамоа Навасга видолашув коридори ташкил қилди. У «Реал»да ўйнамаган бўлса-да, Испания терма жамоаси учун кўп хизмат қилган. «Сантьяго Бернабеу» трибуналари буни қизғин олқишлар билан кутиб олди. Олдиндан айтиб ўтсак, Хесус бугун ўз фаолиятидаги сўнгги 25 дақиқани майдонда ўтказди.
Винисиус дисквалификация туфайли ўйинга қўшилмади. Ҳужумда Родриго ва Браим қанотларда, марказда эса Мбаппе ўйнади. Мудофаада эса узоқ вақтдан сўнг Тчуамени ва Камавинга биргаликда майдонга тушди. Тчуамени марказда, Камавинга эса чап қанотда ўйнади. Анчелотти Асенсио, Менди ва Гарсияни захирада қолдирди. «Севилья» эса Кармона, Санчес ва Ромеро билан асосий таркибга қайтди — улар дербидан сўнг бир ўйинлик жазо олган эди.
Мадридликлар ҳужумни кечиктирмай, 10-дақиқадаёқ гол урди. Бунинг учун «Севилья»нинг суст ҳаракатларига раҳмат. Родриго чап қанотдан юриб ўтиб, Мбаппега тўп узатди. Камавинганинг ҳаракати рақиблардан бирини олиб кетди. Килиан ҳеч қандай қаршиликсиз жарима майдони ташқарисидан тўпни устун остига жойлади.
Биринчи голдан кейин иккинчи гол ҳам келди. Вальверде масофадан кучли зарба бериб, тўпни узоқ бурчакка жойлади. Бу мавсумда унинг масофадан урган бешинчи голи бўлди. Топ-5 лигаларда бу энг яхши натижа.
20-дақиқа ўтаётган эди. «Реал» яна бир неча имкониятни қўлдан бой берди. Мбаппе дубл яратишга яқин бўлди, аммо Васкеснинг узатмасини аниқ йўналтира олмади. Мадридликлар ҳужуми яна бир гол билан якунланди: Браим тўпни ўнг қанотдаги Васкесга узатди, Мбаппе ҳимоячиларни чалғитиб, Родригони топди. Родриго тўпни узоқ тоғорага йўллади.
Бироқ «Севилья» шундоқоқ бир гол қайтарди. Санчеснинг узатмасини Ромеро бош билан якунлаб, ҳисобни қисқартирди.
Иккинчи бўлим бошида Куртуа ёмон узатма бериб, «Севилья»га имконият яратди, аммо хатонинг оқибатини ўзи бартараф қилди. Шундан кейин «Реал»нинг ҳужумлари яна давом этди. Мбаппе ва Васкес юришлар орқали Браимни гол уриш учун ажойиб имконият билан таъминлади.
Ҳужумлар давомида «Севилья» яна бир гол киритиб, ютқазишни камайтирди. Ромеро устунга зарба берди, Лукебакио эса Куртуани мағлуб этди.
«Реал» Ла Лигада «Барселона»ни босиб ўтиб кетиб, «Атлетико»га яқинлашди. Афсуски, чемпионат танаффусга чиқмоқда!
Абу Муслим
