Президент Джо Байден АҚШ разведкаси ходимларига COVID-19 пандемияси сабабларини аниқлаш, жумладан, унинг изи Хитой лабораториясига олиб келиши мумкинлигини аниқлаш бўйича ўз ҳаракатларини «икки карра ошириш»га буйруқ берди.

Ухан лабораторияси олимлари Ғарбга таслим бўлишди ва коронавируснинг келиб чиқиши ҳақида маълумот беришди, бунинг натижасида разведка агентликлари Хитойга қарши айбловлар қўзғашмоқда. Бу ҳақида АҚШ президентининг миллий хавфсизлик бўйича собиқ маслаҳатчиси Стив Баннон айтиб ўтди, деб хабар беради The Daily Mirror.

"Бу тахмин деярли вирус билан бир пайтда пайдо бўлди: бир неча ой давомида янги турдаги коронавирус келиб чиқиши табиий эмас, балки инсон томонидан – биологик қурол сифатида ишлаб чиқилган, деган фикр мавжуд. Бу қанчалик ҳақиқат бўлиши мумкин?" деб савол беради немис нашри Die Welt.

"Британ сиёсатчилари коронавирус пандемияси Хитой лабораториясидан чиқиб кетгани сабабли пайдо бўлганлигидан хавфсирамоқда", - деб ёзади Daily Mail британ газетасининг якшанба кунги сони. "Буюк Британия ҳукуматидаги юқори мансаб эгаси бўлган манбаларининг таъкидлашича, "илмий тавсиялар мувозанати" ҳали ҳам ҳалокатли вирус Ухан тирик ҳайвонлар бозорида одамларга юққанлигини кўрсатмоқда, аммо ушбу Хитой шаҳридаги лабораториядан чиқиб кетиш тахмини "ҳисобдан чиқарилмаяпти"

Экспертлар фикрига кўра, бундай баёнотлар – Ғарб томонидан Хитойга қарши санкциялар жорий қилиш учун замин ҳозирлашдир. Ғарб ОАВ Хитойни шунчаки «коронавирусга қарши етарли бўлмаган кураш»да эмас (пандемия туфайли жаҳон иқтисодиёти триллионлаб зарар кўрди), балки ёмон ниятда биологик қурол яратишда очик айблай бошлади.