Рейтинг етакчиси Франция бўлди, у ерда чақалоқларнинг 59,7 фоизи турмуш қурмаган жуфтликлар томонидан туғилган. Натижани ҳайратланарли деб айтиш жоиз эмас - кўп йиллар давомида мамлакат Европада ноқонуний болаларнинг энг юқори кўрсаткичларидан бирига эга эди (1986 йилда - тахминан 21%, 2006 йилда - 50,5%). Рейтингда иккинчи ва учинчи ўринларни эгаллаган Болгария ва Словения янада сезиларли ўсишни кўрсатди – 1986 йилда ушбу мамлакатларда 10,9 фоиз ва 19,7 фоиз болалар никоҳсиз туғилган бўлса, 2016 йилда уларнинг улуши 58,6%га етди.
Аҳолиси аввало муносабатларни рўйхатдан ўтказиб, кейин фарзанд кўриш зарур деб ҳисоблайдиган энг "анъанавий" Европа Иттифоқи давлатлари Греция (никоҳсиз туғилган болаларнинг 9,4 фоизи), Хорватия (18,9 фоиз) ва Кипр (19,1 фоиз) ҳисобланади. 1990-йилларнинг ўрталаригача ажралишни тақиқлаган ва ҳали ҳам абортни деярли имконсиз қилиб қўйган Ирландия рўйхатнинг ўртасида жойлашган бўлиб, турмуш қурмаган жуфтликларда туғилган чақалоқларнинг учдан биридан кўпроғи тўғри келади (36,6%). Европа Иттифоқидаги абортга қарши энг қаттиқ қонунлардан бирига эга бўлган Польшада 2016 йилда болаларнинг 25 фоизи никоҳсиз туғилган.
Никоҳсиз туғилган болалар нисбати бўйича Франция Европа Иттифоқида етакчилик қилмоқда
Жорий ҳафта Европа статистика агентлиги Eurostat Европа Иттифоқи мамлакатларида болалар туғилиши ҳақидаги маълумотларни тақдим этди. Статистик маълумотлар шуни тасдиқладики, никоҳ энди оила қуришнинг ягона йўли сифатида қаралмайди. 2016 йилда Европа Иттифоқи мамлакатларида жами 5,1 миллионга яқин чақалоқ дунёга келган, Европа Иттифоқига аъзо 28 давлатдан саккизтасида болаларнинг аксарияти турмуш қурмаган жуфтликларда туғилган.
|
Мақола жойлаштирилган бўлим:
Жамият
|
Калит сўзлар
