Саудия Арабистони ҳукумати яқинда Ислом дунёсидаги энг машҳур Қуръон ҳофизларидан бири, шайх Абдуллоҳ Басфарни ҳибсга олди. Бу ҳақда Твиттердаги "Виждон маҳбуслари" инсон ҳуқуқлари аккаунти хабар берганди. Шайх август ойида ҳибсга олинган, аммо унинг қандай қилиб ёки қаерда ҳибсга олингани ҳақида ҳеч қандай маълумот йўқ.
Аракан штати аҳолиси ҳарбийлар томонидан зўравонликка учрашда давом этмоқда. Мянмадаги ҳарбийлар Аракан вилоятида истиқомат қилувчи фуқаро аёлни зўрлаганини тан олди. Ҳарбий расмийлар аскарлар жиноятни тан олганини тасдиқлади ва жиноят иши очилганини маълум қилди, деб хабар бермоқда Myanmar Times газетаси.
АҚШ томонидан 2001 йил халқаро терроризмга қарши эълон қилинган уруш оқибатида бутун дунё бўйлаб 37 млн киши ўз уйни тарк этишга мажбур бўлди. Браун университети (Род-Айленд штати) томонидан эълон қилинган «Урушнинг нархи» номли маърузада шундай маълумотлар келтирилган.
Душанба куни Туркия суди 2017 йилда Истанбул тунгги клубида 39 кишини ўлдирган Ўзбекистон фуқаросини 40 карра умрбод қамоқ ва 1368 йиллик қамоқ жазосига ҳукм қилди. Истанбулнинг 27-сонли жиноят суди Абдулқодир Машариповни Туркия Конституциясини бузганликда ва 39 кишини, жумладан, полиция ходимини қасддан ўлдирганликда айблади.
Исроил билан муносабатлар нормаллашаётган бир шароитларда БАА исроиллик ҳамкорлари билан Яманнинг босиб олинган Сокотра оролида разкедка базаси ташкил қилишни режалаштирган, хабар қилади Туркиянинг Daily Sabah газетаси.
Бугунги кунда юртимизда санъатни ривожлантириш ва уни юксак чўққиларга чиқариш мақсадида амалга оширилаётган ишларни бир сўз билан ифодалаш қийин. Биргина ёш ва иқтидорли қўшиқчиларни қўллаб-қувватлаш ва уларни рағбатлантириш мақсадида “Ниҳол” мукофотининг жорий этилгани мамлакатимизда ёш санъаткорларга бўлган эътиборнинг юксак намунаси сифатида қарашимиз мумкин.
Эронда янги турдаги коронавирус инфекциясидан (COVID-19) бир суткада ўлганлар сони 110 кишини ташкил қилди. Мамлакатда ушбу касалликдан ўлим ҳолатлари умумий сони 22154 кишига етди. Бу ҳақида давлат телеканали эфирида Эрон Соғлиқни сақлаш вазирлиги вакили Сима Садат Лари маълум қилди.
Туркиянинг барча вилоятларида ниқоб кийиш мажбурий бўлиб қолган, қоидабузарлар коронавирус тарқалиши контекстида жамоат жойларида ниқоб режимига риоя қилмагани учун маъмурий жавобгарликка тортилади, деб хабар бермоқда Gundem Кibris газетаси.
Душанба куни Саудия Арабистони суди журналист Жамол Хашукджи қотиллари учун чиқарилган бешта ўлим жазосини бекор қилди ва айбланувчиларнинг саккизтасини 7 йилдан 20 йилгача қамоқ жазосига ҳукм қилди, дея хабар беради Қироллик оммавий ахборот воситалари.
Миср собиқ президенти Муҳаммад Мурсийнинг оиласига ҳуқуқий маслаҳатчи сифатида ишлайдиган Британия гуруҳи Мурсийнинг кенжа ўғли бир йил олдин "ўлдирадиган модда" билан ўлдирилгани ҳақида ишончли маълумот олганини айтди. Бу ҳақида Middle East Eye нашри хабар бермоқда.
Чеченистон раҳбари Рамзан Қодиров қирол Абдуллоҳ II нинг таклифи билан Иорданига сўнгги ташрифи давомида, тарихий маълумотларга кўра, ёшлик пайтларида пайғамбар Муҳаммад (соллаллоҳу алайҳи васаллам) амакиси Абу Толиб билан дам олган дарахт ёнида бўлди. Дарахтнинг ёши тахминан 1500 йил бўлсада, лекин шунга қарамай, жуда ажойиб сақланиб қолган.
Лондонда мустақил трибунал Хитой ҳукумати томонидан уйғур мусулмонлари ҳуқуқларининг бузилиши ҳолатларини тергов қилади ва уйғурлар билан рўй бераётган воқеалар халқаро ҳуқуқ меъёрларига кўра геноцид ҳисобланиши ёки ҳисобланмаслиги ҳақида қарор чиқаради,деб хабар беради IslamNews.