351-боб. Одамларнинг йўлларига, сояланадиган жойларига ва сув оладиган ерларига ҳожат ушатишдан қайтарилгани ҳақида
- Душанба, Окт 24 2022
- 12430 марта кўрилди
Аллоҳ таоло: «Мўмин ва мўминаларга улар бирон гуноҳ қилмасликларидан озор берадиган кимсалар ҳам бўҳтон ва очиқ гуноҳни ўз устларига олибдилар» (Аҳзоб сураси, 58-оят), деб айтган.
1770/1. Абу Ҳурайрадан розияллоҳу анҳу ривоят қилинади. Расулуллоҳ соллоллоҳу алайҳи васаллам: «Лаънатга сабаб бўлувчи икки ишдан четланинглар», деганларида, саҳобалар: «Лаънатга сабаб бўлувчи у икки иш нима?» дейишди. Шунда у зот: «Одамларнинг йўли ва сояланадиган маконларидан ҳожатхона ўрнида фойдаланиш», деб айтдилар. Имом Муслим ривояти.