270-боб. Ҳасаднинг ҳаромлиги ҳақида
- Душанба, Окт 24 2022
- 89 марта кўрилди
Ҳасад – хоҳ диний, хоҳ дунёвий неъматларга биродари эришса, ўша неъмат ундан йўқ бўлишини орзу қилишдир.
Аллоҳ таоло: «Ёки одамларга (яъни, Муҳаммад алайҳиссаломга) Аллоҳ ўз фазлу карамидан берган нарсага (яъни, пайғамбарликка) ҳасад қиляптиларми?» (Нисо сураси, 54-оят) деб айтган.
Бу бобга яна аввалги бобда келган 1566-рақамли ҳадис ҳам далилдир.
1568/1. Абу Ҳурайрадан розияллоҳу анҳу ривоят қилинади. Расулуллоҳ соллоллоҳу алайҳи васаллам: «Ҳасаддан четланинглар. Чунки олов ўтин ёки ўт-хашакларни еганидек, ҳасад ҳам яхши амалларни еб битиради», дедилар. Абу Довуд ривояти.