203-БОБ. Жуманинг суннати ҳақида
- Якшанба, Окт 23 2022
- 126 марта кўрилди
Бу бобимизга Ибн Умардан ривоят қилинган 1097-ҳадис ҳам далил бўлади.
1125/1. Абу Ҳурайрадан розияллоҳу анҳу ривоят қилинади. Расулуллоҳ соллоллоҳу алайҳи васаллам: «Қачон сизлардан бирингиз жума намозини ўқиса, орқасидан тўрт ракат намоз ўқисин», дедилар. Имом Муслим ривоятлари.
1126/2. Ибн Умардан розияллоҳу анҳу ривоят қилинади. Расулуллоҳ соллоллоҳу алайҳи васаллам жума намозидан кейин масжидда ҳеч бир намозни ўқимас эдилар. Фақат уйларига бориб, икки ракат намоз ўқирдилар. Имом Муслим ривоятлари.
(Расулуллоҳ соллоллоҳу алайҳи васаллам жумадан кейин икки ёки тўрт ракат уйларида ўқирдилар. Ҳанафия мазҳабидагилар Расулуллоҳнинг жуманинг фарзидан олдин ҳам, кейин ҳам тўрт ракат суннат ўқиганларидаги ҳадисни ихтиёр қилишган. – Тарж)