Россиянинг 2023 йилда Европа бозорини йўқотиши сабабли газ сотишдан тушган даромади бирданига икки баравар қулаши мумкин.
"Gazprom"нинг йилнинг биринчи ойидаги савдоси даражаси ва экспертлар прогнозлари шуни кўрсатадики, 2023 йилда россиялик монополистнинг экспортдан тушган даромади бирданига 2 баравар камайиши мумкин, деб ёзади Reuters. Бу январ ойида аллақачон 25 миллиард доллар дефицитга учраган Россия бюджетига босимни оширади.
Январ ойида "Gazprom"нинг хорижга газ сотишдан тушган даромади ўтган йилнинг шу давридаги 6,3 миллиард долларга нисбатан бор-йўғи 3,4 миллиард долларни ташкил этди, дея хабар беради Reuters.
Газпромнинг собиқ топ-менежери очиқроқ гапирди.
"Экспорт тизимини қуриш учун ўнлаб йиллар сарфлаган юзлаб одамларнинг иши энди ҳожатхонага оқиб кетди", деди репрессиялардан қўрққан ҳолда Reuters агентлигига собиқ менежер анонимлик шарти билан.
Сабаби экспортнинг камайиши. Ўтган йили у деярли ярмига қулаб тушди ва постсовет минимумига етди. Бу йил ҳам пасайиш тенденцияси давом этди.
Еврокомиссия раҳбари Урсула фон дер Ляйен Украинада уруш бошланганидан бери Россия Европа Иттифоқига газ етказиб беришни 80 фоизга қисқартирганини ҳисоблаб чиқди. Ўтган йил охирига келиб Россия Ғарбий Европанинг газга бўлган эҳтиёжининг атиги 7,5 фоизини таъминлаган бўлса, 2021 йилда бу кўрсаткич 40 фоизга тенг эди. 24 февралгача Россия Европага кўпроқ газ сотишига ишончи комил эди.
Даромаднинг камайишини қоплаш учун Россия Туркия ва Хитойга ўтадиган қувурларнинг ўтказиш қобилиятини оширишга ҳаракат қилмоқда. Аммо янги шартномалар Ғарбий Европа билан тузилган шартномалар каби фойдали бўладими, бу катта савол.
Gazprom ва Хитой келишилган газ нархини ошкор етмайди, бироқ у ҳозирги бозор нархларидан анча паст. Газнинг нархи "Сила Сибири" қувурини қуриш пайтида белгиланган.
BCS Global Markets компаниясининг йирик нефть ва газ таҳлилчиси Рональд Смитнинг сўзларига кўра, 2022 йилда Хитойга экспорт қилинадиган газ нархи 1000 куб метр учун ўртача 270 долларни ташкил қилган. Бу Европадаги нархлардан анча паст. Иқтисодий ривожланиш вазирлигининг прогнозига кўра, 2023 йилда газнинг экспорт нархи 1000 куб метр учун 700 долларни ташкил қилиши керак.
Россия 2023 йил январини 1998 йилдан бери энг катта бюджет тақчиллиги билан якунлади. Январь ойида у 1,76 трлн рублни (25 миллиард доллар) ташкил этди.