АҚШ ирқий сабабларга кўра полиция билан боғлиқ жанжал авж олди. Америка Қўшма Штатларида навбатдаги афро-америкаликнинг полиция ходими томонидан ўлдирилиши билан боғлиқ жанжал тобора кучайиб бормоқда. 25 май куни Миннеаполисда ҳуқуқ-тартибот идоралари ходимининг ҳаддан ташқари шафқатсизлиги натижасида афро-америкалик Жорж Флойд вафот этди. Бунга жавобан бир ҳафтадан кўпроқ вақт давомида мамлакатнинг турли шаҳарларида ғалаёнлар давом этмоқда.