Танқидий фикрлаш (ингл. critical thinking) – нарса ва ҳодисаларни оқилона хулосалар чиқариш билан таҳлил қилишда фойдаланиладиган ва асосланган баҳолар, талқинлар беришга, шунингдек, олинган натижаларни вазиятлар ва муаммоларга қўллаш имконини берадиган мулоҳазалар тизими. Умумий маънода танқидий фикрлаш деганда танқиддан олдинги фикрлашдан кўра юқорироқ даражада фикрлаш кўзда тутилади.

Кимнинг фикри соғлом бўлса – унинг баёни ҳам аниқ бўлади. Бу қонуниятни одамлар аллақачон сезганлар. Ички фикр-мулоҳазалар ва биз айтадиган сўзлар, амалга оширадиган ҳаракатлар ўртасидаги алоқалар ажойибдир. Фикр ва мулоҳазалар аниқлигига нима хизмат қилади? Нима жиддий халақит беради?